📁 آخر الأخبار

رواية مهرة النعمان الفصل الرابع بقلم فريده الحلواني

رواية مهرة النعمان الفصل الرابع بقلم فريده الحلواني 

رواية مهرة النعمان الفصل الرابع بقلم فريده الحلواني


روايه مهره النعمان البارات الرابع بقلم فريده الحلواني 


رواية مهرة النعمان 
الفصل الرابع 
بقلم فريده الحلواني 

الفصل الرابع

$$$$$$$$




داخل احدي ارقي المدارس الخاص التي لا يرتادوها الا ابناء الطبقه الثريه


في فناء المدرسه في مكان بعيد الي حدا ما عن تجمعات الطلبه و ضجيجهم نجد ثلاث فتيات رغم جمالهم و ثراء عائلتهم الا انهم يرتدون ملابس محتشمه عكس معظم فتيات جيلهم او من معهم في هذه المدرسه


زينه متحدثه بسخط : اووف بقي انا مش عارفه ايه الي يخلينا نيجي المدرسه واحنا في تالته ثانوي ياريتنا كنا في مدرسه حكومي كان زمانا بنام براحتنا و بنعتمد عالدروس وخلاص


لميس بهدوء : خلاص بقي يا زينه هانت كلها شهرين ونخلص منها خالص ولا ايه رأيك يا مهره


اين مهره فهي في عالم اخر لا تشعر بمن حولها


زينه باستغراب : مهره مهررررره


مهره بخضه : ايييه يا زفته في حد يصرخ كده مانا جانبك اهو خضتيني


زينه بغيظ : والله يا حبي انتي جنبنا بجسمك بس انما عقلك وروحك في حته تانية انتي كنتي بتعملي اسقاط نجمي ولا ايه


مهره : هاهاهاها خفه يابت 


لميس : مالك بس يا ميمو انت فعلا من الصبح مش معانا خالص شكلك متضايق


مهره بغلب : انا مش متضايقه انا هطق مقهوره قهره السنين ومش لاقيه حل للي انا فيه


زينه بتعقل : انتي الي جايبه وجع القلب لنفسك احنا ياما حذرناكي من حبك المجنون لبدر وهو مش شايفك اكتر من بنته وامانه عمه الي سابهاله بس انتي مصره توهمي نفسك باحساسك الغلط 


هو مش شايفك اصلا انتي طفله بالنسبة له


لميس بحزن علي حال مهره نهرت زينه وقالت : بس يا زينه ايه الي بتقوليه ده عيب كده كلامك بيوجع براحه عليها مش كده انتي مش شايفه حالتها عامله ازاي


زينه بعصبيه : مانا عشان شايفه حالتها لازم افوقها لازم تعيش حياتها الي موقفاها في انتظار كلمه منه وهو ولا حاسس بيها


مهره بحزن : ومين قالك انه مش حاسس بيه ده مافيش حد في الدنيا بيفهمني ويحس بيه قده ومهما تقولوا او تحاولوا تقنعوني انه مش بيحبني اضعاف حبي ليه مش هقتنع


انا وبدر روح واحده بجسدين كل واحد بيحس بالي جوه التاني ويفهمه من غير ما يتكلم بس هو الي مش عايز يفهم احساسه بيه او بالاصح فاهم بس رافض يصدق


زينه بحده : خليكي في الوهم ده لحد ما تلاقيه متجوز ومخلف وانتي واقفه محلك سر انا عمري ما شوفت واحده لاغيه شخصيتها كده عشان واحد بتحبه مع انك اصلا اقوي شخصيه فينا بس بتيجي لحد بدر وبتلغي عقلك وتسبيه هو يمشيكي بكيفه


انا برغم اني بحب مصطفي وواثقه في حبه ليا بس عمري ما هلغي شخصيتي علشانه ولا اتنازل عن كرامتي قدامه 


لميس بزعل: زينه كفايه كده بقي انتي ايه مش حاسه بالدبش الي بتحدفيه انتي من امتي كده


مهره بحزن بين : سبيها يا بسكوته انا خدت علي كلامها ومش هقعد كل شويه افهمها لان الي بيني وبين بدر عمر ما حد هيفهمه غيرنا 


ثم نظرت لزينه واكملت


صدقيني يا زينه انتي لو بتحبي مصطفي قد ما هو حبك مش هتقولي كده انا شايفه انه بيتنازل كتير في بعض المواقف انتي بتبقي غلطانه فيها بس هو بيحاول يراضيكي


بس للاسف انتي بتحبيه اه بس بتحبي نفسك اكتر 


وعالعموم خلي رأيك لنفسك وياستي لما حياتي تبوظ و اجي اشتكيلك ابقي قولي مليش دعوه


زينه : يا مهره متزعليش انتي عارفه انا بحبك اد ايه وخايفه عليكي ثم احتضنتها وقالت 


حقك عليا يا ميمو والله مش قصدي 


ثم اكملت بهذار حتي تخفف من حده الموقف 


ياختي انتي ليل نهار بتقري روايات لما قرفتينا وانا متأكده ان هي الي بوظتلك دماغك


مفيش اي فكره فيها تنفع تعمليها مع بدر يمكن ينطق


ضحكت مهره بغلب وقالت : كل الروايات بتحكي عن البطل الي اكبر من البطله وهو الي بيحاول معاها يعني حتي في الخيال مفيش في خيبتي


بعدين تلاقي البطله طفله بريئة ومش عارفه حاجه في الدنيا طب انا هجيب البراءة منين


ضحكت الفتاتان عليها بشدة واكملوا يومهم الدراسي حتي حان موعد المغادره




في شقه الجد كانت تجلس الجده وكنتاها وابنتها يحتسون الشاي ويتحدثون في مواضيع شتي 


فهم بعد ذهاب رجال العائلة للعمل والفتيات يذهبن الي الجامعه او المدرسه يقمن بتوضيب المنزل ثم يجلسون لاخذ استراحه بسيطه ثم يقمن لاعداد الطعام قبل عوده الجميع وهكذا كل يوم نفس الروتين


وجدن الباب يطرق رغم انه مفتوح فعلموا ان من جاءهم ضيف 


ام فتحي جارتهم في نفس الحي طرقت الباب واردفت : العواف عليكم ياحاجه نعمه


من الداخل قامت فاطمه زوجه ياسر ترحب بها وتصطحبها الي حيث يجلسن


فاطمه : يا اهلا يا ام فتحي اتفضلي يا حبيبتي خطوه عزيزه


ام فتحي : يعز مقدارك يا حبيبتي ازيك يا حجه ليكي وحشه والله قالت هذا للجده ثم سلمت علي نوال وريهام وجلست


الجده : يا بكاشه لو واحشينك كنتي تطلي علينا ده انا بقالي ييجي ٣شهور مشوفتكيش


ام فتحي : معلش يا حجه والله الدنيا تلاهي وانا يدوب علي ما بفطر الرجاله قبل ما ينزلوا واخلص شغل البيت والاكل يبقي اليوم خلص ومقصوفه الرقبه بنتي مش بتمد اديها في حاجه قال ايه بتذاكر ومرات فتحي مبتنزلش من شقتها قبل الظهر اكون انا خلصت

مش زي النبي حارصهم بناتكم اديهم باديكم في كل حاجه


كبرت نوال في سرها خوفا علي الفتيات من الحسد وقالت : والله يا ام فتحي كل البنات كده مين الي قال انهم بيعملوا حاجه معانا انتي شوفتيهم يعني


ام فتحي باحراج : لالا اشوفهم فين انا افتكرت انهم بيساعدوكم يعني عشان اسم الله عليكي انتي و مراتات اخواتك شطار وايدكم علي ايد بعض فكل حاجه فأكيد البنات زيكم


ريهام بغيظ حتي تنهي هذا الحديث المستفز فالمرأة تحسدهم جهرا دون حياء: تشربي ايه يام فتحي ولا احضرلك فطار احسن


ام فتحي : لا يا ام بدر يدوم العز انا لسه فاطره وشاربه الشاي مع الحج قبل ما اجيلكم ثم نظرت للجده واكملت


انا جايه للحجه وقصداها في موضوع طول الليل بدعي ربنا ان يحصل قبول


الجده بحكمه فهي استشفت ما تريد التحدث عنه ولكن اثرت الصمت حتي تسمع منها : خير قولي ولو في ايدي حاجه مش هتأخر


ام فتحي : ده العشم يا حجه يا نوارتنا وان شاء الله بايدك الخير كله


القصد امبارح كان ابني اسم النبي حارصه وصاينه نبيل مانتي عارفاه يا حاجه مهندس اد الدنيا في الخليج ونزل اجازه من يومين المهم كان واقف مع ابوه وشاف ست العرايس مهره حفيدتك وهي واقفه مع الحج ولما سأل ابوه عنها عرفه تبقي مين جالي جري عالبيت ويقولي جوزيهالي ياما


ثم ضحكت بسماجه واكملت


كان مصمم اجيلكم بالليل قولت يابني ما ينفعش الصباح رباح وانا من النجمه هاروح اطلبهالك ها يا حجه نقول مبروك


دخل عليهم اعصار قد يدمر الأخضر واليابس ومن غيره بدر فهو قد عاد الي المنزل لنسيانه بعض اوراق العمل وسمع ما تحدثت به تلك البلهاء


بدر بهمجيه : مبروك علي ايه يا حجه معلش


ارتعبت السيده من مظهره الذي يدل انه قد يقتل احدا


ولطمت امه وعمته وزوجه عمه وجوههم لمعرفتهم ماذا سيحدث لاحقا


اما الجده كانت تجلس بأريحيه وهي مبتسمه علي شئ ما في نفسها


ام فتحي برعب : ااااايه يا معلم بدر في ايه داااا دااااا اه دا نبيل ابني شاف المحرو....


قطع كلامها بصراخ : طب لو انتي عايزه تحافظي علي عين ابنك او حياته ايهما اقرب يعني خليه يرجع الخليج لان لو شوفته في الشارع عليا الحرام من ديني لهخزأله عينوا الي بص بيها علي بت من بنات النعمان


فاااااااااهمه

قامت السيده تجري نحو الباب وهي تقول برعب : خلااااص يا معلم هخليه يسافر لااااا هو سافر خلاص


واختفت خارج المنزل وهي تهرول حتي تنقذ ابنها من براثن هذا الوحش


نوال بعصبيه : انت يا ولا هتفضل همجي كده مفيش تفاهم بالعقل ابدا


بدر : اااه هفضل كده طول مانتوا مصممين تدخلوا في حاجه متخصكمش


ريهام : يابني انت شوفتنا وافقنا بعدين يعني هو اول واحد يتقدملها ماهو جالها كت....


قطعت كلامها حينما رأت تحوله واصبح اكثر هياجا 


التقط بدر المنضده التي تتوسط الغرفه ورفعها عاليا ثم قذفها لتنزل علي الارض قطعا صغيره من خشب او زجاج وهو يصرخ بهن


كمااااان يعني بيجلها عرسان وانا معرفش انتوا لغيتوا وجودي ازاااااي


الجده بعصبيه : في ايه يابني هي اول ولا اخر بت يتقدملها عرسان بعدين الكل عارف ان البنات كلها مخطوبه مش فاضل غيرها ثم اضافت بخبث كي تثيره اكثر بعدين البت فايره وحلوه وعليها العين والف مين يتمناها يكش هي بس الي مش عايزه توافق علي حد


جن جن بدر عالأخير وصرخ


انتوا كمان بتاخدوا رأيها في العرسان وهي بترفض

لحقت نوال الموقف فهي فهمت قصد امها 


لالالالا يابني والله ماحد جبلها سيره دا احنا لما بنتكلم عادي معاها انها ربنا يرزقها ونفرح بيها زي البنات هي بترفض وتقول انا مش بفكر في الجواز دلوقت


بدر باهتياج : طب مش تعرفوني ولا انا خول مليش لازمه


صاحت به الجده بعد ما فاض بها : ماتتهد بقي يا ولااا ايه الصياعه الي انت فيها دي انت محدش مالي عينك لما حد بيتقدملها انا بقول لجدك ولا انت هتعمل كبير علي جدك كمان


بدر وهو يستدير ليترك المنزل حتي لا يحطم باقيه


لااا يا ستي ولا كبير ولا زفت ربنا ياخدني عشان ارتاح و اريحكوا انا غاير في داهيه


ذهب سريعا وكأن شياطين الارض تلاحقه


اخذ يمشي سريعا حتي وصل الي سيارته القابعه امام احد محال النعمان صعد داخلها و انطلق سريعا حتي اصدرت عجلات السياره صوتا قويا اثر احتكاك عجلاتها بالارض


ولم ينتبه الي نداءات ابيه او جده هو لم يسمعها من الاساس


الجد لعادل : خير يارب مال بدر 


عادل : مش عارف يا حج ده لسه من شويه قالي انه طالع البيت عشان يجيب ورق الارض بتاع الساحل 


الجد : طب اتصل بيه يابني طمني عليه جيب العواقب سليمه يارب


اخرج عادل هاتفه من جيب بنطاله واخذ يحاول الاتصال مرارا و تكرارا ولكن لم يتلقي اي رد وفي الأخير وجد الهاتف اغلق


عادل : مردش يا حج و قفل التليفون خالص


الجد بقلق : طب انا هدخل اتصل علي امك في البيت يمكن حصل حاجه


دلف الجد داخل المعرض الذي يعد من اكبر معرض الاثاث واحد الافرع المملوكه له ولكن هذا المعرض تحديدا له مكانه خاصه لدي النعمان نظرا لانه اول محل يمتلكه قبل ان تنتشر فروعه في شتي الانحاء 


لذلك هو دائم التواجد به وباقي الفروع يتولي ادارتها اولاده واحفاده


امسك الجد سماعه الهاتف الارضي واتصل علي منزله وانتظر حتي يجيب احدا عليه وهو قلق للغايه


الجد : ايوه يا فاطنه اديني الحاجه


فاطمه : حاضر يا حج اهه معاك


الجده : ايوه يا حج اامرني ياخويا


الجد : هو في حاجه حصلت في البيت 


الجده بقلق من معرفة النعمان بما حدث


الجده : لا ياخويا انا قاعده اهو مع بناتك هو في حاجه


الجد وقد استشعر توترها : امال بدر ماله نازل مالبيت واخد في وشه و جري بالعربيه ايه الي حصل 


لم تجد الجده بدا من اخباره فقصت عليه كل ماحدث من اول زياره ام فتحي حتي تحطيم بدر للمنضده وصراخه عليهم


الجد : ماشي يا حجه اقفلي وانا هتصرف بس محدش يفتح كلام في الي حصل ده معاه او مع اي حد 


واغلق معها ووجد ولده ينظر له بقلق ينتظر معرفه ما حدث لولده


عادل : خير ياحج


الجد سرد له ما حدث وبعدما انتهي وجد ابنه غاضب جداا مما حدث


عادل : طب والله لما يرجع لاعرف شغلي معاه هو عشان رباها خلاص هيتحكم فيها ماهي مسيرها للجواز ولا هي هاتترهبن يعني مش كفايه كل اخواتها البنات اتخطبوا الا هي انا هعرف اوقفه عند حده


الجد بغيظ لعدم فهمهم لبدر فهو الوحيد الذي يعرف بما يشعر به حفيده حتي ان لم يكن حفيده نفسه يعرف او يعترف بما داخله

والله انكم كلكم بهايم وما فاهمين حاجه


عادل باستغراب : في ايه يابا هو انا قولت حاجه غلط


الجد بغلظه : بس ولا قولت ولا ماقولتش وملكش دعوه ببدر ومتفتحش الموضوع ده معاه خالص ولا كأنك عرفت حاجه


عادل : ايوه يابا بس ااا


قاطعه الجد بحده : خلااااص يا عادل انا هتصرف بس محدش يتكلم او يتدخل وربنا يعمل الي فيه الخير




داخل جامعه الفنون الجميله


اخرجت لوجي هاتفها من حقيبه يدها واتصلت برقم ما وانتظرت الرد الذي جاء سريعا


سليم بخضه :حبيبتي في حاجه حصلتلك انتي مش لسه قافله معايه من عشر دقايق ودخلتي المحاضره 


لوجي سريعا: اهدي يا حبيبي مافيش حاجه بس المحاضره اتلغت فاقولت ابلغك عشان اروح 


سليم : طب اعمل ايه دلوقت انا في الساحل و كنت عامل حسابي ان قدامك ثلاث ساعات علي ما تخلصي اكون خلصت شغلي وجتلك

ومش هينفع تستني كل ده لوحدك خصوصا ان مها مراحتش النهاردة معاكي


لوجي : خلاص خليك كمل شغلك وانا هوقف تاكس


قاطعها سليم سريعا : لالالا ماينفعش تركبي مع حد غريب لوحدك اقفلي خمس دقايق بس هتصل بحد من الشباب هاشوف مين الاقرب ليكي يجي ياخدك


لوجي : يا حبيبي الموضوع مش مستاهل ده كلها ربع ساعه بالتاكس من الجامعه لحد البيت وعشان متبقاش قلقان خليك معايه عالفون لحد ماوصل و اهي فرصه تحب فيه شويه يا بشمهندس الا انت ناسيني خالص اليومين دول


سليم بحب : دا انا انسي روحي ولا انساكي بس انتي عارفه ضغط الشغل اليومين دول والله غصب عني


واخذا يتحدثان معا حتي اوقفت لوجي إحدى سيارات الاجره وركبت بها واملته العنوان واكملت حديثها مع سليم حتي تصل الي المنزل


فهي قد تم خطبتها علي سليم منذ عام بعد انتهاءها من المرحله الثانويه علي ان يتم الزفاف بعد الانتهاء من الدراسه الجامعيه وهذا ما اغضب سليم كثيرا لاضطراره الانتظار اربع سنوات ولكن لا حيله له امام اوامر الجد


فهو فعل ذلك عند خطبه كل من احمد ومها و زينه ومصطفي وايضا وليد و لميس

حكم الجد عليهم جميعا باتمام الزواج بعد انتهاء الفتيات من التعليم الجامعي


هذا ما قاله الجد للجميع ولكن بداخله وامام رفيقه دربه الحاجه نعمه فقط من تعلم السبب الاساسي لتاجيل زواج الاحفاد


ويدعوا الله دائما ان لا تطول فتره الانتظار لما يتمنون


بعد مده من الوقت وصلت لوجي امام باب منزل النعمان وحاسبت السائق وترجلت من السياره و ما زال سليم معها علي الهاتف


لوجي : خلاص يا سولي وصلت اقفل بقي واما اطلع اغير هدومي واريح شويه تكون خلصت شغلك واكلمك


اغلقت معه واخرجت مفتاح الباب الخارجي للمنزل من حقيبه يدها وفتحت به وهي حريصه الا تصدر صوت حتي تستطيع ان تفتعل مقلب من مقالبها مع نساء البيت كما تعودت


ولكن ما سمعته جعلها تقف كالصنم لا تستطيع التحرك


بالداخل بعد تنظيف المكان من اثر الحطام الذي حدث


جلسن السيدات يتناقشن فيما حدث


نوال : والله ياما انا ما عارفه اخره الي بيعمله الولد ده ايه مينفعش كده موقف حال البت


الجده : يابنتي ماهو غصب عنه برده يعني تبقي مراته وكل شويه يجيلها عريس


ريهام : طب ما الناس هتعرف منين يا ماما ده البت نفسها متعرفش انها متجوزه انت ناسيه شرط الحج وقتها وكانت ايه سبب الجوازه اصلا


سرحت الجده فيما حدث قبل خمس سنوات حين اتمت مهره الثالثه عشره وقد بلغت وبدا يظهر عليها علامات الانوثه طلب الجد من بدر ان يرجع يقيم في بيت ابيه لان مهره اصبحت انسه ولا يجوز وجوده معها في نفس المكان دون رابط نظرا لانها اصبحت كبيره وبالأكيد انها لا تستطيع ان تكون علي راحتها سواء في لباس البيت ترك شعرها امامه دون حجاب فوجوده سيقيد حريتها


رفض بدر هذا القرار فعرض عليه الجد الزواج منها اذا كان يريد المكوث معهم كما كان والتعامل معها بحريه كما اعتاد


رفض بدر في بادئ الأمر ولكن علمه العلم انه مجرد زواج صوري ويعلم به احد حتى تتم ثمانية عشر عاما لها وقتها اذا أرادها زوجه له فليطلبها ويأخذ رأيها وان كان علي رأيه انها مجرد ابنته وقتها يتركها لمن يختاره النصيب


وافق على الزواج بالفعل دون معرفه مهره او البنات نظرا لان الجد قانونا هو الوصي عليها


وجميع من في العائلة يعرف ذلك الأمر الا الفتيات


رجعت الجده من تلك الذكري علي قول فاطمه

فاطمه : طب هنعمل ايه ادي الله وادي حكمته وبصراحه كده كويس ان البت متعرفش حاجه انا حاسه لان مياله له وبتحبه بس هو ولا هو هنا حاجه تقهر


نوال : طب واحنا بادينا ايه اعمله مافيش علي لسانه غير انها بنته وامانه عمه هنخليه يتحملها عافيه


الجده : علشان انتوا حمير مفيش حد فيكوا فاهم حاجه


ريهام : طب رسينا ياماما علي حل ينوبك ثوابت


الجده بخبث : حل ايه يا معدوله ابنك بيموت في التراب الي بتمشي عليه مهره و بيغير عليها مالهوا الطاير بس هو مش عايز يبين وبيداري ميله وغيرته عليها بحكايه امانه عمه


طب مش لوجي اخته بنت امه وابوه مبيعملش معاها ربع الي بيعمله مع مهره


ده رغم انه قافل عليها ومش بتتنفس غير باذنه الا انه ميقدرش يرفض ليها طلب ويهد الدنيا لو حس انها متضايقه وبعد كل ده تقولي بنته مش بقولكم عبط


بهتت لوجي مما سمعت من حقائق مخفيه عنهم 


عادت بظهرها سريعا ولكن بحرص حتى لا تصدر صوتا ويشعروا بها


نزلت جري علي السلم حتى وصلت الى الشقة التي جهزها الجد لفض النزاعات بين أهل الحي


دخلت بسرعة واخرجت هاتفها من الحقيبة بأيدي مرتعشة تأثرا بما سمعت وهي تقول لنفسها يا حبيبتي يا مهره كل ده حاصل من وراكي وسايبينك تتعذبي 


طب والله يا بدر لهتشوف ايام سوده بحق كل دمعه نزلت من مهره بسببك


اتصلت سريعا بأحد الارقام وانتظرت الرد علي حر من الجمر و......

$$$$$$$$$$


متنساش ان الروايه موجوده كامله في قناه التليجرام

 والواتساب 




للانضمام لجروب الواتساب 


 (اضغط هنا




يمكنك للانضمام لقناه التليجرام 


 1/ ( اضغط هنا




و للانضمام علي جروب الفيس بوك 




1/ ( انضمام




👆👆👆👆




📚 لقراءه الفصل الثاني من هنا ♡♡♡ الفصل الخامس 




✍️ لقراءه رواية مهره النعمان كامل اضغط هنا👇




      👈 مهره النعمان كامله 👉


انتظرووووني


بقلمي / فريده الحلواني





تعليقات