رواية مهرة النعمان الفصل الثالث والعشرون بقلم فريده الحلواني
روايه مهره النعمان البارات الثالث والعشرون بقلم فريده الحلواني
الفصل الثالث والعشرون
$$$$$$$$$$$$$$$
انتفض بدر بقلق عندما دخلت عليه مهره ومظهرها يوحي انها ليست بخير ابدا
ما عاشته اليوم كثيرا علي قلبها الهش فمهما رآها الجميع قويه هو وحده الذي يري ويعلم ضعفها و هشاشتها فهي بداخلها رقه تكفي بنات حواء ويحمد الله انه هو فقط من يراها .
قام من مجلسه وتلقفها في احضانه تحرك بها علي مهل وجلس بها علي فراشه وهو يسند رأسه علي ظهر الفراش ومدد ساقيه واجلسها مثل الطفل القابع في حضن امه ضمت نفسها له وانكمشت علي حالها
فحاوطها بزراع والأخرى بها علي شعرها المنساب خلفها ظلوا هكذا فتره احترم هو صمتها حتي تحدثت بصوت يقطر وجع
عارف انا زعلانه من نفسي اوي عشان حاسه بوجع المفروض محسش بيه انا ربنا انعم عليا بنعم كثير اوي مفروض مفكرش فالي يوجعني بس غصب عني مجيها النهارده دبحني يا بدر قطع اخر خيط كنت متعلقه فيه علشان افضل فاكره انها امي رغم ان مفيش حاجه تثبت امومتها دي حتى مرضعتنيش
ساعات بفكر لو مكنش ربنا نعم عليا بعيله زيكم كان مصيري هيبقي ايه من اول يوم ليا في الدنيا ربنا قالي انا حرمتك من امك وابوكي علشان اعوضك بعيله كامله تحبك وتخاف عليكي
مع أن الام والاب محدش يعوضهم بس في حالتي انا كان عوض ربنا ليا كبير
عمتي رضعتني مع بنتها رغم أنها ضعيفة وتعبانه زي ما حكولي بس ربنا حط الحنيه في قلبها عليا
خلي ولد صغير ياخد دور أكبر منه ومن سنه عشان يراعيني ويخليني ملكه متوجه
و جدو و تيته يمكن علشان هما طيبين ربنا قسى قلب بيري عليا بالتالي اقعد معاهم و اعوضهم عن ابنهم الي راح
عارف النهاردة لما جت تزعق اني اتخطبت من غير ما اقولها من جوايا فرحت قولت يمكن ابتدت تحس ان ليها بنت بس برضوا كان جوايا حاجه بتقولي لا مش دي الي تفكر كده أكيد وراها حاجه وحاجه كبيره استني يا بت بلاش تتعشمي فيها عشان وجعك ميزيدش بسببها
والي حسبته لقيته كنت بالنسبالها مجرد فرصه او صفقه ويضمن بيها فلوس جوزها
موجوعه عشان اخر امل كان جوايه ليها راح حاسه انها ضربتني في قلبي بسكينة
وانا مش عايزه اشيل السكينه دي يا بدر عشان لو فكرت في يوم احنلها واقول مهما كان دي امي احط ايدي عالجرح ده وافتكر الي عملته
بس برضوا خايفه من ربنا هو أمرنا ببرهم مهما عملوا
بس كل ما هبرها ده لو ردت عليه اصلا مش هاتسيبني في حالي ويفضل تبهدل فيا
مش عارفه اعمل ايه
كل ده كوم وقلقي عليك ده كوم تاني كنت هموت من القلق عليك النهاردة يا بدر
اول مره تقفل تليفونك من غير ما تقولي
قرر بدر الحديث بعد ان شعر أنها أفرغت ما بداخلها
بدر : بعيد الشرير عنك يا قلب بدر و دنيته
ثم ابعدها قليلا حتي يتثني له النظر في عينيها وهو يقول : انا سيبتك تخرجي كل الي جواكي من غير ما اقاطعك تعالي بقي نمسك نقطه نقطه اولا ربنا مش هيزعل منك عشان انتي ما أنكرتيش نعمه عليكي بالعكس انتي معترفه بيها وبتشكريه عليها كمان
و طبيعي يا حبيبي تزعلي منها لانها امك و حبك ليها ده فطره اتخلقت جواكي زي اي بشر طبيعي بس طبعا لكل قاعده شواذ وبيري هي والي زيها هما الشواذ لانهم مفيش جواهم المشاعر الطبيعيه الي بيحس بيها البشر ناحيه ولادهم لان اتبدل مكانها الطمع والحقد
يعني مثلا الرسول صلي الله عليه وسلم زي ما كان عمه ابو طالب بيسانده ويدافع عنه ويحميه من الكفار زي برضوا ما ابو لهب كان عمه بس كان بيحاربه وبيأذيه لدرجه ان ربنا نزل فيه سوره المسد
اهو ده عمه و ده عمه بس الفرق بين الاتينين زي الفرق بين السما والارض
وانتي بنتها بس برضوا فرق السما من الارض بينك وبينها انتي قلبك الي مليان خير ورحمه واصلك الطيب بيغلب عليكي وهي قلبها المليان حقد و طمع واصلها الواطي غلب عليها مع انكم نفس الدم
فاحنا نعمل ايه نصبر ونحتسب و نكلمها كل فتره او عالاقل ابعتيلها كل اسبوع رساله ردت عليكي كان بها مردتش وقالت انها مش عايزه تكلمك يبقي كده عملتي الي عليكي قدام ربنا وشيلتي الذنب من عليكي
بس طبعا ممنوع نهائي مكالمات فيديو كلميها صوت بس منضمنش مين يبقي قاعد معاها وقتها فاحنا نتقي الشبهات تمام كده يا فرستي
مهره بعد ان ارتاحت كثيرا قالت : تمام جدااااا يا قلب فرستك
قبلها بدر قبله سطحيه وقال : انتي الي قلبي و روحي و نور عيني الي بشوف بيه
نيجي بقي لقفل الفون سكت قليلا يفكر ماذا يقول ثم أكمل يسألها : الاول بس قبل ما اقولك عايز اسألك علي حاجه
مهره : اسأل يا حبيبي
بدر : طبعا انا عارف انك انتي والبنات مش بتخبوا حاجه علي بعض خالص فكنت عايز اعرف انتي حكتيلهم عالي بيحصل بينا
مهره : لالالالا طبعا استحاله هما اه اخواتي واصحابي وكل حاجه بنحكيها لبعض بس في خصوصيات بين الراجل و مراته مينفعش تتحكي لحد واصلا ربنا حرم علينا نخرج الي بين الزوج والزوجه لاي حد مش اي حاجه تتقال يا بدر يعني مش بس مش بقول الي بيحصل بينا لا انا اصلا اي كلام بيدور بينا برضوا مش بحكيه يعني تقدر تقول بحكي مجرد قشور كده من عالوش كلام عادي لو حد عرفه انما حاجه تكون انت حكيهالي او مأمني عليها ابدا والله و من زمان مش من دلوقت بس للامانه حكتلهم الي حصل اول مره شوقتك بكاش مايو لما سألتني علي ميكي وبطوط
واخذت تضحك حينما تذكرت الموقف و ضحك هو ايضا معها ثم قال : شطوره يا فرستي وانا متأكد من الي بتقوليه ومبسوط بطريقه تفكيرك اوي عشان انا حابب الي بينا يفضل بينا محدش مهما كان مين له حق يعرف غير الي احنا عايزين نقوله وبس
مالت هي عليه تلك المره مقبله اياه برقه ولكنه كان يحتاج اكثر من تلك الرقه فالتهمها وهو يمتص شفتيها وحينما حاول سحب لسانها فاجأته هي بسحب لسانه و اخذت تمتصه بقوه جن جنونه وسار يقبلها بقوه ويحرك رأسه يمينا ويسارا حتي يستطيع الوصول لأماكن اكثر داخل فمها و حينما طالت القبله وانقطعت انفاسهم فصلها بشق الانفس وهو يقول بعد ان حاوط وجهها بيديه : ياااابت انا بحاول اعمل نفسي عندي دم و مراعي حالتك وماسك نفسي بالعافيه وانتي الي بتجريني اهو
ضحكت المليحه عليه وقالت بجديه زائفة وهي تزيح يداه بعيدا عن وجهها : لالالا خلاص والله مش هتحرحش بيك تاني المهم بقي الفون كان مقفول ليه
ابتسم لها وقبلها علي احدي وجنتها وقال : لا انا بحب التحرش اتحرشي انتي بس ومالكيش دعوه
مهره بتحذير : بدررر بلاش طريقتك دي لانك مش هتعرف تهرب مالاجابه
تنهد بهم و قال : الموضوع كبير اوي يا مهره يمكن مش هقدر احكيلك تفاصيل دلوقت بس الي اقدر اقوله ان العيله كلها في خطر بس علي اد ما نقدر بنحاول نأمن الدنيا حوالينا بالذات انتوا البنات وانتي حلتيلي مشكله كبيره اوي و شيلتي من علي كتافي حمل تقيل من غير ما تعرفي لما قولتي انك مش هتنزلي الدروس والحمد لله ان زينه ولميس عملوا زيك متتصوريش الموضوع ده ريحني قد ايه وبدأت اركز اكتر عالي انا فيه لما بالي ارتاح بس برضوا مها ولوجين بينزلوا الجامعه ومفيش حجه نقعدهم بيها انا مش عايز بنت منكم رجليها تخطي الشارع مش عايز الناس دي ياذوني فيكم و طبعا لو قولنالهم يقعدوا هنفتح علي نفسنا سين و جيم ووجع دماغ
مهره : للدرجه دي الموضوع صعب
بدر : اصعب مما تتخيلي قوليلي اعمل ايه يا مهره
مهره : متشلش هم يا قلب مهره انا الي هعمل
بدر : لا بلاش تقوليلهم حاجه من دي اوعي
مهره : لاااااا طبعا استحاله اقولهم هما قلقانين عشان حاسين فيه حاجه لان كل واحده خطيبها متغير معاها وبيتحجج بالشغل
بدر : عشان حمير انا منبه عليهم يتعاملوا طبيعي بس برضوا انا عاذرهم الي احنا فيه صعب ويخلي الواحد عقله يشت بس ربنا معانا وهيسترها باذن الله
مهره : ان شاء الله يا حبيبي قول يارب وطول مانت قاعد كتر من قول لاحول ولا قوه الا بالله وهو هيحلها من عنده وانا هتصرف مع مها ولوجي بطريقتي واخليهم يقعدو اليومين دول متقلقش
احتضنها باحتياج وهو يدعو الله بداخله ان يديمها نعمه في حياته
ذهبت الي غرفتها بعد ان ودعته بكثير من القبل و كان يتمني ان تنام بين احضانه ولكن خوفها من الجده منعها من تلك المتعه
صباحا في مديريه امن الاسكندريه كان اللواء رشدي يعقد اجتماعا سريا مع بعض القاده وايضا محمود و حازم
اللواء رشدي : ها يا حازم عملت ايه
حازم : كله تمام يا فندم مجرد ما اتعرفنا علي شخصيه الوزير اتصلت برجالتي و فورا كانوا زارعين اجهزه تنصت في كل مكان بيقعد فيه عشان مفيش حاجه تفوتنا وخطوط التليفون الي يملكها كلها هيبقي معانا تسجيل مكالماته اول باول طبعا ده عن طريق شركات المحمول لاننا منقدرش نخترق موبايله لانه اكيد عامل برامج حمايه ومجرد ما نخترقه هيكتشف انه متراقب ويوقف كل حاجه فكان الاضمن شركه المحمول نفسها
اللواء : عظيم جدا وانت يا محمود
محمود : انا استعنت برجاله من الامن الوطني الي في بورسعيد عشان يراقبوا كل تحركاته مرضيتش اجازف و اخلي رجالتنا الي هنا تقوم بمراقبته ولا بتوع القاهره كمان تحسبا انه يكون عارف او شاف حد منهم بحكم تواجده بين القاهره واسكندريه وفي نفس الوقت منضمنش مين منهم ممكن يكون متعاون معاه انما رجالة بورسعيد وجوه جديده مش هتلفت نظره و برضوا مستعين بعدد كبير عشان دايما يبدلوا مع بعض
اللواء : برافو عليكم يا رجاله كنت متأكد انكم مش هتخيبوا ظني فيكم انتوا تقريبا سديتوا كل الثغرات الي ممكن يدخله الشك منها بس اهم حاجه عيله النعمان يتأمنوا كويس بدر متفق مع شركة حراسات خاصة بيأمنوا عيلته بسريه بس برضوا احنا لازم نأمنهم الناس مكنوش مجبرين انهم يساعدونا و يعرضوا حياتهم للخطر بس ده الي احنا متعودين منهم عليه بيساعدوا البلد بدون مقابل عشان كده اقل حاجه نقدمهلهم اننا نحميهم وغير كده النعمان مش مجرد حد بيساعدنا ده اخويا و صاحبي وعشره عمر مش هسمح انه يحصله حاجه لمجرد انه قرر بساعدني
حازم : متقلقش يا فندم في عينينا والله و هنحرص علي سلامتهم حتي لو بحياتنا
اللواء : تمام يا رجاله ربنا معاكم و بلغوني بأي جديد أول بأول
قاما الاثنان مؤديين التحيه العسكريه وهما يقولان معا : تمام يا فندم
في منزل النعمان كانت تجتمع الفتيات في شقه المذاكره وبعد وقت طويل قضوه في استذكار دروسهم قررن أخذ قسط من الراحه وها قد جاءت الفرصه لمهره لتحادثهم فيما انتوت عليه
مهره : بنات عايزه اكلمكم في حاجه بس يا ريت تفهموا وجة نظري
لوجي : ادام قولتي مقدمه لكلامك يبقي في كارثه يلا اتحفينا
مهره : ولا كارثه ولا حاجه بس الفكره ان احنا كلنا شايفين و حاسين ان في حاجه بتحصل مع رجاله العيله بس مش عايزين يعرفونا فانا قولت نريحهم من ناحيتنا و نقعد في البيت اليومين دول والي اكدلي كلامي ده ان مصطفي ووليد فرحوا جدا لما زينه ولميس قرروا يقعدوا زيي صح يا بنات
زينه : يالهوي الا صح ده مصطفي اول ما قلتله اني هقعد اليومين دول اذاكر في البيت كان هيطير مالفرح ولما استغربت وسألته ايه الي فرحه اوي كده قالي اصل عندنا شغل كتير اليومين دول و كنت شايل هم توصيلك كل يوم مرتين وتلاته حسب عدد الدروس الي عندك ومكنتش عايز اقصر معاكي ولا مع شغلي فانتي حليتيها من عندك
لميس : نفس الشىء وليد و برضوا اتحجج انه عنده عمليات كتير اليومين دول بجانب شغل المصنع
مها: والله انتوا عارفيني فاشله اصلا ومش بتاعه تعليم محب علي قلبي ان اانتخ في البيت و انام براحتي بقي اااااالله
لوجي : بس يا تافهه انتي نوم ايه و خرا ايه علي دماغك خلينا في المهم انا الصراحه كنت ناويه اقعد بس قولت يمكن لو فضلت اروح الجامعه كده يبقي بضغط علي سليم و يزهق بقي ويقولي عالي فيها
زينه : والنبي لو ماسكتي سلك الترماي ماهيقولك حاجه كان غيرك اشطر دي امي وتيتا مستلمينه هو وابويا مجرد ما يدخلوا البيت و هارينهم أسئلة و هما ولا نطقوا و سليم اخر ما زهق مبقاش يرجع البيت غير عالنوم و كمان يصحي قبلنا كلنا وينزل حتي من غير فطار كل ده عشان يريح دماغه من زنهم
مهره : شوفتوا يعني كلامي مظبوط يبقي احنا واجب علينا اننا نقف جنبهم و يحسوا اننا في ضهرهم زي ما هما كده دايما معانا يبقي وصدقوني مسير الايام دي هتعدي و هنعرف ايه الي كانوا مخبيينه عننا بس وقتها كل واحده فينا هتكون كبرت في نظر حبيبها اوي واتأكد انه اختار صح وهيحبها اكتر و هيحاول يعوضها عن الايام الي استحملته فيها حتي من غير ما تفهم حاجه ودي كبيره اوي بالنسبالهم علي فكره
لوجي : انتي صح انتي فعلا دايما صح برغم انك اصغر واحده فينا بس اعقل واحده والي متأكده منه ان احساسك عمره ما كدب و ادام انتي شايفه كده يبقي احنا هنمشي وراكي من غير تفكير و انا واثقه اننا كلنا هنطلع كسبانين
فرحت مهره كثيرا لانها استطاعت اقناعهم دون ان تخبرهم بشىء كما وعدت حبيبها و قالت : طب والله انتوا الي عسل و العقل كله وعشان كده انا هقوم اعملكم صينيه بشاميل و بانيه هتاكلوا صوابعكم وراها
هلل البنات فرحا بهذا الاقتراح فهي بارعه جداا في صنع تلك الاكله التي يعشقوها
في مصنع ال النعمان كان يجلس بدر ومصطفي وسليم وكان باب المكتب مفتوح نظرا لغياب السكرتيره لمرض ابنها
وجدوا عامل توصيل الطلبات يطرق الباب ثم يدلف عليهم و عندما ازاح الكاب الذي يرتديه فوق رأسه علموا هويته سريعا
بدر : حازم باشا طب والله ما عرفتك
حازم : معلش كنت مضطر انت عارف المراقبه الي عليك ٢٤ ساعه
مصطفي : اتفضل اقعد يا باشا تشرب ايه
حازم : لالالا مينفعش اتأخر عشان منلفتش الانتباه المفروض ان هسلم اوردر الاكل و امشي اعقب كلامه وهو يضع حقيبه الطعام التي بيده علي المكتب فتحها واخرج منها علبه خشبيه صغيره
فتحها ليروا ما بداخلها
وهو يقول : دي اصغر واحدث كاميرات نزلت لحد دلوقت بتسجل صوت وصوره بدقه عاليه ومن غير الضوء الاحمر الي بيبقي في الكاميرات العاديه احمد عارف طريقه تركيبها والاماكن الي هتتزرع فيها لان طبعا مش هنقدر ندخل حد غريب هنا يركبها اولا عشان المراقبه الي عليكم ثانيا ان احنا بننفذ خطوات العمليه دي بدقه و بسريه تامه حتي الي مشتركين معانا فيها عددهم محدود
سليم : تمام يا باشا ربنا معاكم بس انا اتعشمت ان في اكل بجد كده تغفلنا
ضحك الجميع وقال حازم : لا متغفلتش جايبلكم شاورما سوري انما ايه حاجه جامده وعلي حسابي كمان يا معلم
سليم : اهو هو ده الكلام تدوم الداخليه والمخابرات وعم احمد صاحب كشك السجاير الي عالامه يا باشا
الكل ههههههههه
حازم : طب يا رجاله سلام انا بقي و اي جديد هتلاقوني عندكم زي كده علي طول
بدر : حازم بيه انا ليه طلب عندك واتمني تنفذهولي
حازم : قول يا بدر صدقني لو في ايدي مش هتأخر
بدر : جدي جدي يا باشا مش عايزه يحضر
سكت حازم قليلا ليفكر فهو يقدر خوفه فالي حد ما طلب بدر في محله فهم لا يعلمون الي ما ستسير الامور والجد شيخا كبيرا ومهما كان يتمتع بصحه جيده فلن تقارن حركته بحركه الشباب اذا ما حدث شىء بعد تفكير قال : انا مقدر خوفك عالحج وبرغم انه لازم يكون موجود الا اني افضل عدم وجوده تحسبا لاي حاجه ممكن نتفاجئ بيها عالعموم اوعدك اني هحاول الاقي حل وهبلغك يلا سلام يا شباب
اعقب قوله بارتداءه للقبعه مره اخري و خرج من المكتب متجها الي خارج المصنع
صعد فوق دراجته البخاريه المخصصه لتوصيل طلبات الطعام المملوكه لاحد اشهر مطاعم الشاورمه السوري
أدار المفتاح ليشغل الموتور ولكن قبل ان ينطلق بها رئا شىء لم يكن يتوقعه
تري مالذي رآه يا تري
$$$$$$$$$$
متنساش ان الروايه موجوده كامله في قناه التليجرام
والواتساب
للانضمام لجروب الواتساب
(اضغط هنا)
يمكنك للانضمام لقناه التليجرام
1/ ( اضغط هنا)
و للانضمام علي جروب الفيس بوك
1/ ( انضمام )
👆👆👆👆
📚 لقراءه الفصل الثاني من هنا ♡♡♡
✍️ لقراءه رواية مهره النعمان كامل اضغط هنا👇
انتظروووووووني
بقلمي / فريده الحلواني