روايه انت نصيبي وقسمتي الفصل الرابع بقلم إسراء جمال
روايه انت نصيبي وقسمتي الفصل الرابع بقلم إسراء جمال
روايه انت نصيبي وقسمتي
الفصل الرابع
بقلم إسراء جمال
انت نصيبى وقسمتى /البارت الرابع
اميرة ايوة يا احمد انت فين
احمد انا ف الكلية يا اميرة فى حاجة ولا اية
اميرة لا ابدا ياحبيبى كنت بطمن عليك بس
وكنت هقولك انى هنزل انا ونهلة صحبتى نشترى لبس للفرح انهاردة
احمد بحب طاب ولية تنزلى انتى ونهلة وانا رحت فين يعنى
اميرة معلش يا احمد ماانا قولتلك ان بابا مش عاوزنا نفضل خارجين دخلين مع بعض كدة ف الحتة من غير مايكون فى بنا حاجة رسمى وانا مش عاوزة بابا يعند معانا وانت لسة قدامك طريق طويل ياحبيبى
احمد بزعل خلاص ياحببتى اللى انت شايفة اعملية
اميرة كدة بردو يا احمد بتزعل من ميرو حببتك
احمد لو زعلت من الدنيا كلها مقدرش ازعل منك ياميرو
اميرة بسعادة حبيبى ربنا يخليك ليا يلا بقا سلام عشان الحق اروح اجيب الفستان
احمد بقولك عارفة لو جبتى فستان ديق ولا شفاف ولا مكشوف هعمل فيكى اية هدبحك
واياكى المحك حاطة كحل حتى ف عنيكى ف الفرح هنفخك واوعى الطرحة تكون قصيرة او البضى لازق ع دراعك هقتلك
اميرة بضحك ينهار ابيض ما تقولى جيبى مالحفة ونقاب احسن احضر بيهم الفرح
احمد ياريت والله لو ينفع هاتيهم
اميرة نعم ياخويا انت ما صدقت ولا اية وبعدين انت عاوز المزغودة خطيبت اخوك تكون احلى منى ولا اية
احمد بضحك يخرببيت فصلانك مزغودة بقا غادة مزغودة
اميرة بضيق اها مزغودة دى رافعة مناخيرها ف السما وبتكلمنى من تحت درسها عاملة فيها بنت بارم ديلة على راى طنطى مامتك
احمد بضحك اسكتى اسكتى هموت من الضحك اها لو حسام سمعك هيعلقك
اميرة بمرح انا اعرف حسام القمر الكيوت المؤدب دة هياخد الحيزبونة دى ازاى
احمد بغيرة نعم يا روح امك حسام اية ياختى
اميرة بضحك اية يا حمادة انتى بتغيرى يابيضة
احمد بنفاذ صبر غورى يابت روحى شوفى هتعملى اية وحسابى معاكى بعدين قال كيوت قال
اميرة بضحك ماشى ياقلبى سلام .
"***********************************"
(ف بيت اميرة)
انتى يابت يااميرة
اميرة ايوا يا ما ما
الام انتى يامقصوفة الرقبة
اميرة بصوت اعلى ايوة يا ماما
الام انتى ياهبابة يالى متتسمى يااميييييييرة
اميرة بصوت اعلى واعلى ايوووووة ياولية بتزعقى كدة لية
الام بنحيب شوفو البت قليلة الادب بترد عليا اذى منا معرفتش اربى ياخلق
اميرة بنفاذ صبر نعم يا ما ما عاوزة اية ياحببتى
الام خدى ياهبابة العباية دى وديها لا ام حسام قوليلها ماما كانت عند الخياطة وبعتتهالك معاها
اميرة ببرود ونا مالى متوديهالها انتى انا مش فاضية راحة اجيب فستان الفرح
الام انتى هتاخدى العباية توديها وانتى ماشة ولا مافيش نزول من اساسة
اميرة بسرررعة لا لا لا هاخدها وامرى لله هاتى
الام ناس تخاف ماتختشيش صحيح
اميرة يوووة مفيش غير زفتة خدى ودى وخدى جيبى وحاجة اخر قرف
الام بتبرطمى تقولى اية يابت
اميرة ها لا ولا حاجة بقولك هاتى ياست الكل العباية اوديها واخلص
************************************
ف منزل عائلة احمد
ايوة يلى ع الباب جاية اهو
اية دة اميرة ازيك ياحببتى عاملة اية
اميرة ببسمة الحمدلله ياطنط ازيك انتى
ام حسام كويسة ياحببتى الحمدلله اتفضلى ادخلى
اميرة ب استعجال لا ياطنط انا ماشة ع طول ماما بس بعتالك العباية دى قالتلى كانت عند الخياطة وخلصتها وبعتتهالك معاها
ام حسام وهى تاخذ منها العبائة
طيب ادخلى يابت اشربى حاجة ولا هتمشى من ع الباب كدة زى الاغراب
لا لا طبعا ميصحش لازم تشرب حاجة
اردف بها حسام بضحكة واسعة من خلفهما وهو عائد من سفرة يحمل حقيبه ع كتفة واخرى بيدية
التفو الاثنين ليرو من القائل ليجدو حسام ذاك العريس الوسيم عائد من سفرة لكى يتمم مراسم زفافة .
الام بفرحة وهى تجذب حسام لاحضانة حسااام ياحبيبى يابنى وحشتنى اووى اووى
حمد لله ع سلامتك
حسام بسعادة وهو يقبل يد امة وانتى كمان وحشتنى اوووى اوووى ياست الكل عاملة اية يا غالية
الام بلهفة بخير ياحبيبى طلاما شوفتك اودامى
حسام تسلميلى يا غالية ربنا مايحرمنى منك
والتفت حولة ليجد اميرة
حسام بمرح ميررو ازيك يا بت يامفعوصة
اميرة بضحك بس متقولش بت بس
الحمدلله كويسة حمد لله ع سلامتك ومبروك ع الفرح
حسام برخامة هتفضلى لمضة طول عمرك الله يكون فعونك يااخويا
اميرة وهى تضع يدها فى حصرها نعممم لية ياخويا ان شاء الله دة انا نسممة ملاك نازل من السما
حسام بضحك ماشى ياملاك يانسمة انتى هتقوليلى على يدى
الام بضحك بس بقا انتى وهى هتفضلو طول عمركم تناقرو ف بعض كدة زى القط والفار يلا ادخلو بدل ماتفرجو علينا العمارة
حسام بستفزاز يلا ياامى ندخل وانتى يابت هش من هنا مش فضيلك احنا
اميرة بغيظ انا اصلا ماشية مش كنت هدخل اصلا وهمت ان ترحل ولاكنها قالت بصوت مسموع
رخم زى خطيبتة المسهوكة جتكو القرف ف اشكالكم
حسام بضحك وصوت عالى سمعتك وهنفخك لما امسكك .
حسام اخو احمد الاكبر
اكبر من احمد ب ب 4سنين
عندو 25سنة بيشتغل محاسب ف دولة الامارات العربية وبينزل اجازة شهر واحد بس ف السنة كان بيحب غادة زميلتة ف المدرسة ولما اشتغل وكون نفسة خطبها
شخص مرح جدا ودمو خفيف واجتماعى جدا
وسيم اللى اعلى درجة
وجةة حنطنى وشعر اسود طويل وعيون رمادى ذو غمازة واحدة فى خدة اليمين
وحواجب كثيفة وشارب ولحية حفيفين وتفاحة ادام اسفل ذقنة .
**************************"****
#انت_نصيبى_وقسمتى
#اسراء_جمال
