رواية مهرة النعمان الفصل الثاني بقلم فريده الحلواني

الفصل الثاني

$$$$$$$$

في منزل النعمان 

كانت تجلس الجده في صاله المنزل وقت الظهيره تسبح علي مسبحتها بينما كانت كل من ريهام وفاطمه زوجتا ابنيها ومعهم نوال ابنتها يقفون داخل المطبخ يجهزون وجبه الغداء التي تجمع دائما جميع أفراد العائله 

دلف عليهم كل من بدر وسليم فالباب دائما مفتوح نظرا لان العماره كامله تخصهم ولا يوجد بها غيرهم وايضا لان باب البيت من الأسفل مغلق ببوابه حديديه كبيره

بدر : سلام عليكم وتوجه الي الجده والتقط كف يدها ليقبله وهو يداعبها 

ايه القمر ده يا نعناعه انتي كل يوم الصبح تحلوي اكتر

الجده بضحك : بس يا واد يا بكاش انت ...تعالي يا سليم عامل ايه بقالي كام يوم مش بشوفك يا واطي هو اكمن ما خلصت الكليه انت وبدر ومبقاش فيه مذاكره هتقطع بينا كده

سليم بخضه وهو يقبل يدها : لالا والله أبدا يا ستي انا مقدرش استغني عنكم بس والله غصب عني حتي اسألي بدر احنا بقالنا كام يوم مفحوتين في الشغل مش عارفين نريح خمس دقايق 

حتي دلوقتي كنا بنحمل طلبيه ولولا ان قميص بدر اتقطع كنا كملنا بس لما لاقيته جاي يغير قولت اجي معاه اطمن عليكم

الجده : خلاص سماح المره دي بس متغبش تاني انت عارف انك عندي زي العيال دي بالظبط

بدر : خلاص يا حاجه سيبي الواد في حاله ثم نادي علي من في المطبخ

اما يا ريهام انتي يا حجه انتي وهي اي واحده فيكوا تعملنا كوبايتين شاي عالسريع علي ما اغير هدومي

خرجت له عمته نوال وهي متعصبه وتمسك بيدها ملعقه خشبيه تقلب بها الطعام 

مالك يا ولا داخل بزعابيبك كده ليه انت لو مكنتش تجعر وتسمع الناس بينا مترتاحش ماتطلب الي عايزه بالراحه

بدر : خلصتي روحي بقي يا نونه اعملي.....

وقبل ان يكمل دخل عليهم اعصار مكون من

مصطفي يمسك في كل من يديه فتاه يعلقها من ملابسها من الخلف ومجرد ما وصل منتصف الصاله قذفهم ناحيه بدر وهو يصرخ بهم

خد بقي البلاوي دول واياك حد يقولي روح هاتهم مالمدرسه تاني فااااااهمين

بدر ببرود : هدي اعصابك يا شبح بس وقولي في ايه

نوال : اكيد عملوا مصيبه زي عوايدهم

احدي الفتاتان ببكاء مرير : والله ما عملت حاجه يا عمتو دي مهره عورت الولد وخر دم من دماغه

نظرت لها تلك الشيطانه الصغيره وهي تقول ببلطجه وغيظ من بكاء ابنه عمها : ما خلااااص بقي يا بسكوته طول الطريق وانتي عماله تعيطي علي حته خربوش

لميس بصراخ : يا سلام ده الولد نزل دم كتير وقال هايودينا قسم البوليس

مهره : انتي عبيطه يا بت ولا يقدر يعملنا حاجه دا احنا بنات النعمان 

صرخت بهم الجده ليصمتوا حتي تفهم ماذا حدث بعد ان وجدت كل من كنتها وابنتها وبدر وسليم ومصطفي يتبادلون النظر للفتاتان ببلاهه علهم يفهمون ما حدث

الجده : بااااااس يا مقصوفه الرقبه منك ليها 

في ايه يا مصطفي

مصطفي : ابدا يا ستي روحت اجيب الهوانم من المدرسه لقيتهم عند المدير ومعاهم ولد سايح في دمه قال ايه عاكسهم قامت البلطجيه الي ربنا ابتلانا بيها حدفته بطوبه فتحت دماغه واتخيطت خمس غرز

والهانم كمان مش عاجبها

لميس: والله يا تيتا ماعملت حاجه انا وزينه قولنالها نمشي بس هي مرضيتش

ريهام بطيبه : بس يا حبيبتي بطلي عياط واخذتها في حضنها

مهره : ماتنشفي شويه يا بت ده ايه ده

نوال وهي تتحرك لكي تضربها غيظا من كلامها ولكن مهره سريعا وقفت خلف بدر حتي لا يطالها شبشب عمتها

والله انا ملاقيه كلام اقوله اوعي يا بدر خليني اربيها 

بدر : اييييه يا حاجه تربي مين انا الي هربيها محدش له دعوه بيها

نوال بغيظ : اذا كنت انت اصلا مش متربي وادي النتيجه يعني انتوا الاتنين عايزين الي يربيكوا

فاطمه بهدوء : استني بس يا نوال خلوا العيال تقعد وتفهمنا ايه الي حصل يمكن الولد يستاهل

سحب بدر مهره من خلفه وجلس علي أحد المقاعد واوقفها امامه وبهدوء قال لها : ها ارغي وقولي ايه الي حصل من غير تحوير 

مهره: كده يا بدور وانا عمري حورت عليك قالتها ببراءة لا تمت لها بصله

نوال : شوف البت بريئة ازاي

مهره : اهدي يا ماما خليني اركز اااااقصدي احكي

بص يا بدر انا كنت واقفه انا و زينه و لميس عند باب المدرسه من جوه زي مانت منبه عليا لقيت ال........

قاطعها بدر بصراخ 

نهااااااار الي جابوكي اسود وجذبها من ملابسها وقال 

انتي يابت روحتي المدرسه وشعرك مفرود فين الكااااااااااب 

صرخت نوال باهتياج : حرااااااام عليك سايب المصيبه الي هببتها وماسك في شعرها المفرود هتجلطني

بدر : بس يا حاجه انتوا حسابكوا معايه بعدين 

مهره سريعا : اهدي يا بدوري انا هافهمك الي حصل

بدر : ارغي 

مهره ببراءه مصطنعه : الصبح ماما نوال كانت تعبانه شويه فا مش قدرت تلملي شعري فا تيتا هي الي سرحتهولي وسابته مفرود قولتلها لا يا تيتا بدر هيزعل مني و يزعقلي قالتلي ميقدرش يعملك حاجه طول مانا موجوده وصممت انزل بيه مفرود زي البنات وانا كنت متضايقة بس مقدرش اكسر كلامها بس كده هو ده الي حصل ثم غمزت لجدتها في الخفاء حتي تؤيد قصتها (هي قالت ان جدتها من فعل ذلك لانها متأكده ان بدر لا يستطيع ان يراجع جدته في اي امر) 

ذهلت النسوه الواقفه تستمع الي كذب تلك الشيطانه وبراعه تمثيلها حتي انهن صدقن ما قالته رغم انه بعيد كل البعد عن الحقيه

فلاش باك صباحا

__________//////////

مهره : بالله عليكي يا مامتي خليه مفرود وبلاش الكاب النهاردة 

نوال : بس يابت بلاش خوته انا مش ناقصه قله ادب مالي مربيكي ييجي يفتحلي صوته بسببك

مهره بدموع زائفة لاستعطافها : عشان خاطري يا ماما هو انا مش زي البنات يعني اشمعني انا الي دايما لبسي كله زي الولاد نفسي ابقي زي البنات مره

تأثرت نوال بحديثها كثيرا وضمتها الي حضنها وقالت : خلاص يا نن عيني ولا تزعلي هسيبه مفرود وهتبقي احلي من كل البنات ...ثم سكتت ثواني واكملت بقلق بس هنعمل ايه في هولاكو لو شافك ده يكلنا 

ردت مهره سريعا : متخافيش هو عنده شغل كتير النهاردة ومصطفي الي هيجبنا ولو حصل وشفني انا هتصرف يلا بقي يا مامتي

بااااك

______/////

نوال في سرها : يخرب بيتك دانا صدقتك

بدر وهو يحاول التحكم في غضبه : ليه كده يا ستي انتي مش شايفه شعرها عامل ازاي دانا بلبسها هدوم صبيان و مش خالص مابال بقي لما تنزل كده 

الجده : خلاص يابني مجراش حاجه من مره المهم خليها تقول الي حصل عشان نشوف المصيبه الي هببتها

نظر بدر لمهره بغيظ بمعني حسابنا فيما بعد وقال كملي ياختي

مهره : كنا واقفين لقينا الولد ده جاي يعاكس لميس طلبت منه براحه يبعد مسمعش الكلام ومسك شعري

بدر بصريخ : اااااايه يا روح امك مسك ايه

مهره سريعا : كان كان هيمسكه بس انا بعدت بسرعه وجبت طوبه حدفته بيها واتعور خربوش صغير خاااالص يا بدوري بس هو ده الي حصل

مصطفي بعيظ : يابت ده انا شايف الولد متغرق دم منك لله يا شيخه وانا كمان مني لله لو فكرت اروح معاكي مكان

بدر بحده طفيفه: خلاص يا مصطفي هي مش غلطانه يعني عايزه يعاكسهم وتسكت انا هروح بكره المدرسه وهطلع ميتين امه عشان يحرم يبص لبنات النعمان

مصطفي : لا ياخويا ماتتعبش نفسك هو جاي لجدك هو وابوه عشان يشتكيله قابل بقي يا عم يلا انا ماشي سلام

وخرج سريعا قبل ان يرد عليه اي احد

بداخل سنتر للدروس الخصوصيه 

نجد فتاتان منتظرين وصول وليد ليقلهم الي المنزل فبنات النعمان يعاملن كالأميرات كل طلباتهن مجابه ودائما يجب علي احد شباب العائله توصيلهن من والي المدرسه او اي مكان حتي يحميهن من اي شخص تسول له نفسه الاقتراب منهن

لوجي بضجر : ايه يا ست موها رني علي اخوكي شوفيه اتاخر ليه عايزه انااااام

مها : خلاص لسه مكلماه من شويه زمانه داخل علينا اهدي شويه ماهو لو كان سولي كان زمان النوم طار من عينك

ههههههههه

لوجي : هاهاها خفه يابت اما نشوف ياختي لما حظابط يرجع من الكليه بتعته هتعملي ايه

مها : هييييييح ظبوطه قلبي ده يرجع بس ده وحشني اووووي المره دي

لوجي : هانت خلاص اهو قرب يتخرج وان شاء الله يجيلوا التعيين في اسكندريه يلا وليد وصل اهو

قامت الفتاتان وتوجهن الي سياره وليد اخو مها وابن عمة لوجي

ركبت مها بجانب اخيها ولوجي في الخلف

لوجي بمرح : ازيك يا دكتره ايه اخبارك طمني علي الجثث بتوعك

ضحك وليد عليها وقال : عارفه يا لوجي لولا خوفي من اخوكي هولاكو كان زماني حططلك جثه محروقه في حضنك وانتي نايمه عشان تحرمي تتريقي عليهم

مها بضحك : يااالهوي هو بدر علي طول كده عامل رعب للكبير والصغير

ضحكن جميعا واكملوا الطريق حتي المنزل

بعد صلاه العصر كان يجتمع كلا من الجد النعمان وابنه ياسر والحاج حسين ومعهم مصطفي وبدر وسليم ووليد يتناقشون في بعض امور العمل

الجد : ها يا وليد حملت طلبيه الحاج عبدالحميد

وليد ايوه يا جدي وقفت علي ايدهم لحد ما العربيه اتحركت قبل ما اروح اجيب البنات من الدرس

حسين : طب ابقي هاتلي الفواتير عشان اخلي المحاسب يايدها اول باول

وليد : حاضر يا جدي

اثناء ذلك دخل عليهم رجلان وشاب وطفل صغير

محمد والد الطفل : سلام عليكم

الجميع : وعليكم السلام ورحمه الله 

الجد اتفضلوا 

مال مصطفي علي بدر وقال : قابل يا عم اهو هيتعمل قاعده بسبب فرستك 

زجره بدر بحده فسكت مصطفي سريعا خوفا من بطشه

والد الطفل : انا ليا حق عنك يا حاج نعمان وجاي اخده

ياسر بهدوء : اقعد بس خد واجبك وبعدين قولنا انت مين وحق ايه الي ليك عند الحج

سليم نادي علي حمص(عامل المقهي)قوله طقم شاي وعصير للصغنن ده في السريع

سليم عنيا يا حج

عم الطفل بعصبيه : ملوش لزوم احنا مش جايين نضايف 

تجهم بدر وقال بحده : ابلع ريقك بس يا شبح واعرف انت واقف فين وبتتكلم مع مين 

في شكوه عندك قولها بادب ثم ربت علي كتف الرجل بقوه وهو يقول اااامين يا شبح

خاف الرجل كثيرا وازدرد ريقه بتوتر ونظر للنعمان وقال

يرضيك يا حج حفيدتك تضرب ابن اخويا وتفتحله دماغه خمس غرز

نغز سليم بدر في الخفاء ومال عليه مقلدا مهره وهي تقول 

خربوش صغير يا بدوووري

زجره بدر بحده وهم بالرد علي ذلك الرجل ولكن عمه ياسر سبقه

ياسر : طب يعني بنتنا هتعوره مالباب للطاق ولا لازم يكون ابنكم عمل حاجه وحاجه كبيره كمان عشان يبقي رد فعلها كده اسأل ابنك الاول وبعدين اشتكي ولا ايه

نظر الرجل الي الطفل ونهره وقال : انطق ياض ايه الي حصل

خاف الطفل واطرق وجهه ناظرا في الارض خاصة خوفا من هذا الوحش الذي منذ دخولهم وهو ينظر له بطريقه ارعبته حقا

بدر : اقولك انا ينفع ابنك المحترم يعاكس بنات لا وكمان عايز يمد ايده علي واحده فيهم

والد الطفل : ايه الكلام ده يا استاذ دول اطفال وابني لا يمكن يعمل كده

مصطفي : اهو ابنك قدامك اسأله

عم الطفل : ما تنطق ياض الكلام ده صح

سكت الطفل ونكس رأسه في خزي

الجد : خلاص يا استاذ محصلش حاجه بس قبل ما تسمع كلام عيل اتأكد الاول قبل ما تحط نفسك في موقف وحش قدام الرجاله ولا ايه

بدر : يا ريت تربي ابنكم وعلموه الرجوله من صغره وان الي هيعمله مع بنات الناس هيتعمل في اخواته

اعتذر الرجلان منهم واخذوا الطفل بغضب وخرجوا من المحل وهم يصرخون علي الطفل الذي وضعهم في موقف مخزي

وليد : هو ايه الي حصل انا مش فاهم حاجه

بدر : تعالي بس وانا هفهمك بعد اذنك يا جدي 

الجد : هتروح محل الازاريطه دلوقت ولا بعد ما ترجع مالمخزن

بدر : لا هعدي عليه الاول سلام عليكم

يلا يا سليم 

خرج الشباب من المحل ووقفوا في جانب 

بدر : بقولكم ايه انا عايزكم في موضوع ضروري

سليم : خير يارب 

بدر : لا مش هاينفع دلوقت احمد زمانه علي وصول ان شاء الله بالليل هنتجمع كلنا عالسطح واقولكم الي فيها

مصطفي : ادام فيه سهره عالسطح يبقي ربنا يستر

تركهم بدر دون ان يعير حديثهم ادني الاهتمام واستعد الي سائق وانطلق بها حتى يتابع اعماله وهو متاكد انه ما ان يامرهم بشئ وجب عليهم التنفيذ

يا تري ماذا يريد هذا البدر منهم

$$$$$$$$$$

متنساش ان الروايه موجوده كامله في قناه التليجرام

 والواتساب 

للانضمام لجروب الواتساب 

 (اضغط هنا) 

يمكنك للانضمام لقناه التليجرام 

 1/ ( اضغط هنا) 

و للانضمام علي جروب الفيس بوك 

1/ ( انضمام ) 

👆👆👆👆

📚 لقراءه الفصل الثاني من هنا ♡♡♡ الفصل الثالث 

✍️ لقراءه رواية مهره النعمان كامل اضغط هنا👇

      👈 مهره النعمان كامله 👉

بقلمي / فريده الحلواني