روايه مهرة النعمان الفصل الثاني والعشرون بقلم فريده الحلواني

رواية مهرةالنعمان الفصل الثاني والعشرون بقلم فريده الحلواني

روايه مهره النعمان البارات الثاني والعشرون بقلم فريده الحلواني

رواية مهرةالنعمان

الفصل الثاني والعشرون

بقلم فريده الحلواني

الفصل الثاني والعشرون

$$$$$$$$$$$$$$$

بقلم فريده الحلواني

صعد مصطفي الي الاعلي وترك وليد وديجو ومجموعة من اصدقائهم يجلسون امام منزل النعمان

عندما دلف ليأخذ اكواب من الشاي قد وصى امه بصنعها له ولأصدقائه وجد نساء المنزل ايضا مجتمعين معا وعندما دلف متوجها للمرحاض

اوقفته امه وهي تقول : ولا يا مصطفي في ايه مخليك لامم اصحابكم وقاعدين كده

مصطفي وهو يتجه للمرحاض : ولا حاجه ياما قاعدين عادي صبى الشاى بسرعه علي مادخل الحمام

ودلف سريعا للداخل منهيا للحديث

نوال : اقطع دراعي ان ما كانوا بيدبروا لمصيبه ده القاعده دي وراها إنه

الجده : طب حد يتصل بالحج ولا بدر يابنات يشوف في ايه هما كمان بقالهم مده ماشيين و مرجعوش لحد دلوقت

مهره : تليفون بدر مقفول يا تيتا من اكتر من ساعتين

ريهام : جيب العواق سليمه يارب

خرج مصطفي و قبل أن يتحدث قاطعته الجده وهي تقول : خد هنا يا ولا

مصطفي بزهق : نعم ياستي

الجده : انت بتنفخ في وشي ماااشي ليك روقه بس قولي الاول في ايه تحت و جدك وبدر فين من بدري و قافلين تليفوناتهم

مصطفي بغضب حتى يهرب من هذا التحقيق : في شغل يا ستي يعني هيكونوا راحوا يتجوزوا عليكم ثم أكمل بصوت عالي خلصوناااااا بقى و هاتوا الشاى ولا اسيب الناس اقعد اتساير معاكم

ناولته عمته الصينيه المتراصه فوقها اكواب الشاي و هى تقول : لا ازاي خد يا حبيبي الشاي اهو والحق الناس الي تحت بلاش الشويتين بتوعك دول علشان تهرب مالكلام

أخذها منها وخرج بسرعة دون ان يعير ما تقوله اي اهتمام

نوال : وبعدين ياما انا مش مرتاحه

مهره بتعقل رغم القلق الذي ينهش قلبها : يا جماعه صلوا عالنبي كده و اهدوا ان شاء الله مفيش حاجه ادعولهم انتوا بس احسن من الكلام الي لا يودي ولا يجيب ده

ريهام : اسم الله علي مرات ابني العاقلة هو ده الكلام

مها بمزاح : ايوه يا سلفتي يا عاقله حماتنا رضيت عنك اهو

ريهام : راضيه عنكم انتوا الاتنين وربنا شاهد بغلاوتكم عندي زي لوجي بالظبط

بعد مداولات كثيرة بين الجد و عصام وبدر وياسر

قد حسم الجد الأمر و اضطر عصام للرضوخ ليطلبه حتى ينتهى من هذه العمليه فلا بأس هو يعلم ماذا هو بفاعل معه لاحقاً

الجد : خلاص كده يا عصام بيه اتفقنا اظن مفيش حاجه تتقال تاني هنتوكل احنا علي الله وفي انتظار تليفونك

توقف عن عصام مادا يده للسلام علي الجد وهو يقول: تمام يا حج اتفقنا وانا في خلال هكون مجهز كل حاجه واتصل بيك ومتقلقش كل حاجه هنا هترجع زي ما كانت واحسن وبعتذر كمان مره عالطريقه الي دخلت بيها هنا

ذهبوا جميعا كلا في طريقهم بعد ان تركوا حارسان من حرس عصام لضمان عدم مجيء اي شخص هنا الي حين الانتهاء من تلك العمليه

انطلق بدر ومن معهه في طريقهم الي المنزل وهم يتباحثون ما حدث حتى أصبحوا علي مقربه من المنزل قال ياسر : بيتهيألي نفتح تليفوناتنا بقى واعقب قوله وهو يخرج هاتفه ليعيد تشغيله اما بدر فقال : مليش مزاج اكلم لحد والله يا عمي خليه مقفول أحسن

بمجرد ما فتح هاتف ياسر وجد العديد من الرسائل ولكن هاتفه صدح برنين يعلمه بقدوم اتصال و كان من وليد فرد عليه و قبل ان يتحدث وجد وليد يصرخ به و يقول : انتو فين يا خالي الدنيا مقلوبه هنا وانتو قافلين تليفوناتكم و مختفيين

ياسر بخضه : في ايه يابني احنا داخلين عالبيت

وليد : ام مهره هنا وجايبه معاها بادي جارد و الولا ابن جوزها وقالبه الدنيا عايزه تاخد مهره وتمشي

ياسر بصريخ : وانتوا خولات واقفين يعني علشان تاخدها من وسطيكم

الجد : في ايه مين ياخد مين

ياسر : ام مهره تريده تاخدها ويجيبه رجاله معاها

بدر : بنت الكلب و انطلق بسرعة أكبر وهو يغلق هاتفه ليتصل بها ولكنها لم ترد فصرخ وهو يضرب على المقود : ردي بقى رددددددي

ياسر : بالراحه يابني احنا خلاص اهو قربنا

الجد : لله الامر من قبل ومن بعد استر يارب

بدر : اخذ هاتف عمه ليحادث وليد : وليد طلع التليفون لمهره واوعي راجل يخش البيت ساااااامع

وليد وهو يصعد الدرج سريعا ويقول : عيب عليك هي الوليه بس الي طلعت والباقي احنا منعناهم والعيال مثبتنهم تحت اعقب قوله بدلوفه حيث النساء والموقف علي اوجه فقد كانت بيري تصرخ في نساء المنزل انها تريد ابنتها وهم يقفون لها بالمرصاد تحت صمت مهره و احساسها بالضياع لعدم وجود بدرها

اعطاها وليد الهاتف دون حديث وضعته علي اذنها وقالت بصوت مختنق : بدر

بدر وهو يحاول ان يهدئها : اسمعيني انا خمس دقايق وابقي عندك ادخلي أوضتك واقفلي عليكي بالمفتاح لحد ماوصل

مهره : حاضر ......وفقط اعطت الهاتف لوليد و سارت نحو غرفتها تحت صراخ امها ولكن لم تعيرها اي انتباه و نفذت ما قاله لها

اما الجد فلام بدر لاعتقاده انه يخاف ان تاخذها من قلب منزله فقال له بدر موضحا مقصده : لالالا ياجدي مش قصدي كده انا بس عايزها تبعد عن الحيزبونه دي لحد ما اوصل عشان اكيد حرقت دمها بكلامها السم واصلا مهره نفسيتها بتتعب لما بتكلمها

ياسر : اهو خلاص وصلنا

دخل بدر شارع النعمان واوقف سيارته فجأة حتي أنها أصدرت صريرا عاليا اثر احتكاك عجلاتها بالارض ونزل بهمجيه حتي انه ترك الباب دون إغلاقه وأعقبه الجد وياسر

وجدوا مجموعة كبيرة من الحرس الخاص بصهيب يلتفون حوله وهو مضطر للوقوف صامتا في انتظار الجد لانه حين وصل و بدأ الحديث عن مهره اسكته الشباب بالقوه حتي كانت ستقام معركه بين حراسه والشباب وحينما وجد عددهم اكثر من الحرس واكيد الغلبه ستكون لهم انصاع للامر ووقف صامتا

اقترب منه بدر بهدوء خطر وهو يقول : لو اهلك في الخليج معلموكش الاصول احنا نعلمهالك يا شق

صهيب : علي فكره انا بتكلم مصري و بفهمه كويس يعني متفكرش تلعب معايا بالكلام

الجد : بدرررر هنقف نتكلم في الشارع

فهم بدر عليه وقال : لاااا طبعا لينا بيت نتكلم فيه و الضيف ياخد واجبه

الجد : اتفضل يابني ادخل احنا مابنسيبش ضيوفنا في الشارع

دلف الجد و صهيب و ياسر فقط و تركوا الشباب مع الحرس بالخارج

اما بدر صعد الدرج يجري وهو يقول ثواني وجايلك يا جدي

دلف الجد ومن معه في الشقه الارضي اما بدر اخذ يقفز علي الدرج حتي وصل لشقه جده و دلف بهمجيه حتي بيري سكتت فجاه عن صراخها من هياته المتوحشه

اتجه لها بدر و قال : بصي يا وليه انتي تترزعي هنا مسمعش صوتك لحد مارجعلك لو عايزه تخرجي علي رجليكي من هنا

بيري ممثلة الشجاعة : انت بتهددني يا همجي انت يا تربيه الحواري

بدر وهو يتحرك للداخل : ادخل بس اطمن عليها و هطلع اوريكي تربيه الحواري علي حق

اختفي من اما ناظريها وحينما وصل امام غرفه مهره طرق عليها وقال : افتحي يا حبيبي انا جي.......

وقبل ان يكمل حديثه وجد الباب يفتح واندفعت مهره داخل احضانه تبكي بقهر

شدد عليها باحتضانه وهو يقول : اهدي اهدي يا فرستي انا جيت خلاص انا جنبك

مهره وهي تبكي : بهدلتني يا بدر عشان اتخطبتلك و مش قولتلها و عايزه تاخدني معاها

بدر : متقدرش يا حبيبي تاخدك انتي لسه قاصر و جدك هو الوصي عليكي وهي اصلا ماضيه تنازل عن حضانتك لجدك من زمان

هدأت مهره قليلا وابتعدت عنه وهي تقول : طب انت هتعمل ايه معاها

بدر وهو يسحبها معه للخارج : تعالي اتفرجي بنفسك ثم وقف وقال : اوعي دمعه تنزل منك بره قدام حد خليكي قويه زي مانا متعود منك

نظرت له بامتنان وهزت رأسها بالموافقة

وقفت هي وبدر أمام بيري ليبدأ بدر الحديث : ها ارغي بس متطوليش عشان مصدع

بيري : انت مين اصلا عشان اتكلم معاك انا عايزه بنتي وبس

بدر ببرود : انا خطيب بنتك يا حماتي ده اولا ثانيا شكلك كبرتي و الزهايمر اشتغل معاكي انتي ناسيه انك ماضيه تنازل عن حضانتها من اول ما اتولدت ولا ايه

بيري بجنون : احترم نفسك يا همجي وانا هاخد بنتي غصب عنكم الحرس الي معايا يقطعك انت والي معاك

ضحك بدر وقال : طب اطلعي بصي من البلكونه كده علي شويه الخولات الي جايباهم معاكي عملنا فيهم ايه

كادت بيري ان تتحدث حتي صرخت بها مهره وهي تقول : بااااااااس بس اسكتي انتي عايزه مني ايه ايه الي فكرك بيه انا عندي ١٨ سنه شوفتك فيهم خمس مرات بالعدد امتي كنتي ام ليا انتي رمتيني حتي من غير ما تشوفيني خلتيني يتيمه اب ويتيمه ام وانتي عايشه بتتفسحي و تتجوزي

و شايلاني من حساباتك

انتي عمرك اخدتيني في حضنك بلاش طب انتي تعرفي عني ايه طب كنتي بتتصلي بيه كل اد ايه والمكالمه اصلا وقتها اد ايه ردي عليااااااا

بيري محاوله الكذب والحزن لتكسب تعاطفها

هما الي كانوا مانعيني و هما الي اجبروني اتنازل عنك انا م.......

صرخت مهره بقهر: كداااااابه

بيري : هي دي تربيه الحواري الي ربوهالك بتغلطي في امك ثم اعقبت كلامها برفع يدها لتصفع مهره ولكن بدر كان الاقرب وامسك يدها بقوه المتها وقال وهو يضغط علي يدها بغل : ايااااااكي دي عمرها ما حصلت وحد مد ايده عليها طول عمرها عايشه ملكه

ولكنه قطع كلامه حين دخل احمد سريعا وهو يقول : بدر انزل لجدك تحت انت و

وهي بسرعه عايزكم انتوا الاتنين و معاكم مهره

بدر : ومهره تنزل ليه وفي راجل تحت

احمد : يلا يا بدر مش وقت غيره لازم مهره تنزل الموضوع كبير ويخصها

خافت بيري كثيرا فهي بالاكيد قد كشف كذبها علي صهيب عندما رأى خبر خطبه مهره هاج وماج و هدد بيري و توعدها بالكثير حتي اضطرت ان تقول له ان جدها هو من اجبرها علي ابن عمها و اعتقدت ان الامر انتهي ولكن تفاجأت ان صهيب يأمرها بتحضير حقيبة سفرها للذهاب الي مصر بطيارته الخاصه ولم تستطيع الرفض

نزلت معهم وهي تحاول اختلاق كذبه اخري لانقاذ نفسها فهي الان بين المطرقه والسندال

دلف بدر لدي جده وهو ممسك بيد مهره المتشبثه به وجد صهيب يأكلها بعينه فصرخ به : عينك في الارض لافقعهملك سااااااااامع

نظر له صهيب بحقد وهو يقول : انا ببص علي خطيبتي فيها حاجه

بدر بجنون وهو يترك مهره ويتوجه اليه ولكن منعه احمد وعمه ياسر الذين امسكوه بشده وهو يصرخ : احااااااااا خطيب مين يابن الكلب انت

الجد : بدرررررر اسكت خالص الموضوع كبير ومينفعش نسمع الناس بينا

بدر : طب فهموني في اااااايه

كل هذا وسط ذهول مهره من كلمه هذا الصهيب التي لم تراه في عمرها ولا حتي مره ورعب بيري الذي وجدت عقلها قد فرغ من اي فكره تنقذها

الجد : تعالي يابنتي اقعدي جنبي وانت يابدر اهدي عشان خاطرها وحاول تتحكم في اعصابك

الجد : هو انتي تعرفي مين ده يا مهره

مهره : لا يا جدو انا اول مره اشوفه

الجد : طب يا بنتي ده ابن جوز امك وبيقول انه خطبك من امك و انتي وافقتي

قاطعته مهره برعب : اقسم بالله م.......قاطعها بدر بصراخ : اياااااكي تحلفي انتي مش متهمه بحاجه اصلا اوعي تخافي انتي اكبر من ان حد يفكر يشك فيكي اصلا

نظرت له بحب و امتنان وفرحه بالثقه التي منحها اياها امام الجميع فقالت بقوة: لا ياجدو محصلش انا عمري ما شفته ولا اعرف حاجه عن موضوع الخطوبه ده بس من حوالي شهرين لقيت بيري هانم علي غير العاده بتتصل بيه كتير وتبعتلي هدايا شويه تقولي انها منها و شويه تقولي انها من صهيب ده وكانت بتحاول تقنعني اكمل تعليمي عندها في تركيا و طبعا كل مكالمه لازم تجيب سيرته و مميزاته وحاجات كتير وانا لما استشفيت ان وراها غرض من ده كله بقيت اقفل معاها في الكلام واوقات كتير مكنتش برد عليها وكل ده طبعا كنت بحكي لبدر عليه انت عارف مش بخبي عليه حاجه أبدا والحمد لله اني حكيتله عشان الموقف الي انا فيه ده يبقي هو شاهد معايا ده حتي كمان كل الهدايا الي بعتتها سواء لبس او مجوهرات اتبرعت بيها لجمعيه خيريه

لان انا اصلا مش محتاجه حاجه من حد

الجد : احنا مش محتاجين شاهد علي كلامك يابنتي احنا واثقين فيكي وعارفين احنا مربيين بناتنا ازاي

بس صهيب كان مصدق امك اوي ان احنا غصبينك علي ابن عمك وصمم يسمع منك وانا مش مجبر ان اسمع كلامه بس يا بنتي انا حبيت اقطع دابر

الموضوع من اساسه عشان احنا والله ما فاضيين لشغل النسوان ده

مهره : بعد اذنك ياجدو بعد اذنك يا بدر

اعقبت استئذانها بتوجيه كلامها لصهيب وهي تقول : انا اهو يا استاذ بقولك بنفسي انا عمر اهلي ما اجبروني علي حاجه ابدا و بدر ده حب عمري كله هو الي مربيني وطول عمري بدعي ربنا يكون من نصيبي لاني مشوفتش ولا هاشوف ولا اصلا يملي عيني وقلبي غيره ثم اشارت الي بيري دون ان تنظر لها واكملت والست دي انا معرفش عنها حاجه من ساعه ما اتولدت ولا هي تعرف عني حاجه مشافتنيش في عمري كله غير خمس مرات المره الواحده متعدتش النص ساعه وكنت صغيره كمان انا بقالي ست سنين مشوفتهاش فانا مش مسئولة عن اي حاجه ضحكت عليك بيها انا مش هكون غير لراجل واحد بس لو مش هكونله مش هكون لغيره

بعد اذنكم انا خلصت واعتقد مليش لازمه هنا

ثم القت نظره تقطر عشقا لبدرها و اتجهت للخارج صاعدة للأعلى سريعا

وتركت وراءها قلبا يتلهف لاحتضانها وقد نبتت له اجنحه جعلته يحلق فوق السحاب فرحا بكلماتها التي القتها امام الجميع بكل قوه و ثقه و كثيييير من الحب وهي تعلن للملأ انه رجلها الأوحد ولا تبغي غيره

وايضا تركت قلبي يغلي حقدا من خسارته لمهره عربيه اصيله كان قد انبهر بها من صورتها التي رآها في مره حينما كانت تحدث والدتها مكالمه فيديو وقد تعمدت تلك الأخيرة أن تريه اياها دون ان تشعر مهره بذلك و زاد انبهاره بها عندما رآها الان ولكنه سيكون من أغبى الناس اذا ما انكر عشقها لهذا البدر الذي يلمع في عينيها و ايضا احترامها له ولرجولته حينما استأذنت منه لكي تتحدث فهو سيكون الخاسر الوحيد اذا فكر ان يدخل حربا مع هذا البدر

فهنيئا لك بدر بهذه المهره الاصيله وايضا توعد لهذه البيري واقسم ان ينتقم منها ثأرا لكرامته التي أهدرتها امام أناس لاول مره يراهم وايضا لتلاعبها به وقد اخذت منه مبالغ ماليه ليست بالقليله مقابل تلك الزيجه

وجد ان جلوسه اكثر من ذلك هو امتهان لكرامته اكثر قام واغلق زر بدلته الرسميه التي يرتديها واعتذر بلباقه للجميع وهو يغلي بداخله حينما وصل امام زوجه ابيه قال لها وهو يطالعها بنظره اشبه بالجحيم : يلاااا

امتثلت لأمره فهي من الاساس لا داعي لوجودها هنا فقد خربت تلك المهره مخططها

أخيرااااا انتهي هذا اليوم العصيب بكل ما يحمله من صعاب

كان بدر متسطحا علي فراشه يجافيه النوم من كثره تفكيره في احداث اليوم حتي وجد مهرته تدلف الي غرفته وهي تقول:.......

تري ما الذي كانت تريد قوله يا تري

$$$$$$$$$$$$

متنساش ان الروايه موجوده كامله في قناه التليجرام

والواتساب