رواية مهرة النعمان الفصل العشرون بقلم فريده الحلواني

روايه مهره النعمان البارات العشرون بقلم فريده الحلواني

رواية مهرة النعمان

الفصل العشرون

بقلم فريده الحلواني

الفصل العشرون

$$$$$$$$$$$

بعد ان رحب بدر كثيرا بضيوفه ورقص مع الشباب

صعد الي الاعلي حتي يلبس مهرته شبكتها

استقبلته النساء بالزغاريط حتي وصل للمكان الذي خصص لهم و جلس بجانبها

تلقي كثيرا من المباركات تحت غيظ مهره من نظرات البنات المعجبه ببدرها وينظرون اليها بحقد لفوزها به

طلبت من لوجي التي كانت تقف بالقرب منها ان تاتي سريعا بالشبكه حتي لا يطيل جلوسه امامهم

عندما ذهبت لوجي لتنفيذ طلبها جاءت سريعا فتاه تسكن معهم في الحي ووقفت مكانها وهي توجه حديثها لبدر بدلع

وتقول : يرضيك يا معلم بدر من بدري بنتحايل علي مهره عشان ترقص مش راضيه مع اننا كلنا رقصنا

بدر : هو انتي عمرك شفتي ملكه بترقص

صعقت الفتاه من رده وانسحبت باحراج مع ضحك الفتيات عليها

أتت لوجي بصينيه مزينه بالتل الازرق والورود البيضاء موضوع عليها علبه قطيفه تحتوي علي الطاقم الذهبي فقط بدأ بدر في الباسها قطعه قطعه الا القرط حتي لا يضطر لابعاد حجابها ثم امسكت يده والبسته هي الاخري دبلته الفضيه

بعدها مال عليها وقال بهمس : اومال مجبوش الطقم الالماظ ليه

همست له مهره: انا مرضتش ده مايتلبسش الا لحبيبي واحنا في بيتنا لوحدنا

غمز لها بشقاوه وقال : اشمعنا

ردت له الغمزه وهي تقول : اصلي مجهزاله طقوس خاصه

اطلق ضحكه رجوليه صاخبه وقال لها بعض الكلمات الوقحه ثم غادر للاسفل مره اخري

و هكذا انتهت ليله من اجمل الليالي التي مرت عليهم

انقضت الحفله في تمام الساعه الثالثه صباحا

وقد اجتمعت العائلة يتسامرون قليلا حول احداث الحفل ثم ذهبوا في سبات عميق

صباحا استيقظ الجميع في وقت الظهيره لاول مره

واجتمعوا علي طاوله الافطار كالعاده وكانوا ايضا يتحدثون عما حدث بالامس

مها : اما يا بدر فكره الكارته والطبل الصعيدي دي كانت جباره العطارين كلها بتتكلم عليها

لوجي : هي العطارين بس ده اسكندريه كلها يا بنتي صحاب بدر صوروا الزفه كلها ومشيرنها في صفحات كتير

لميس : بس الصراحه محترمين محدش فيهم صور الناحيه الي البنات واقفه فيها مصورين رقص الرجاله و بدر الحصان كده يعني

وليد : يابنتي غير انهم بيراعوا حرمه عيلتنا هما اصلا عيال جدعه ولاد بلد وبيعتبروا اخواتنا زي اخواتهم واحنا كمان فمحدش بيعتدي علي حرمه التاني احنا هنا في العطارين اتربينا عالاصول والجدعنه

الجد : ربنا يحفظكم يابني من شر ولاد الحرام

أمن الجميع وراء الجد ثم تحدث بدر و قال : احنا كده تمام هيصنا و فرحنا واتفسحنا كمان تلموا نفسكم بقي يا بتوع الثانويه العامه و تذاكروا فاضل شهر على الامتحان

لميس : ايه ده انتوا مش هتخرجوا النهاردة سوا ولا ايه هو هيضحك عليكي من اولها كده يا ميمو

بدر بغيظ : اااه يا سهونه انتي عايزه تهربي فبتلبسيني في حيطه

مهره : لا يا بدر مش قصدها هي بتتكلم ان تاني يوم الخطوبه لازم العريس يخرج عروسته يتفسحوا بقي وكده

بدر : وانا قولت حاجه شوفي مكان ما تحبي اوديكي بعد اذن جدي

الجد : اخرجوا يابني و افرحوا انا معنديش مانع

مهره : لا يا جدو مش هاينفع نخرج

بدر : ليه يا فرستي تعبانه ولا ايه

مهره : لا يا حبيبي انا كويسه بس الصراحه بقي انت بقالك اكتر من اسبوع منزلتش شغل واكيد عندك حاجات كتير متعطله وانا كمان عايزه اذاكر شويه ولما تبقي فاضي نخرج براحتنا الدنيا مش هطير يعني

عادل : ربنا يكملك بعقلك يابنتي و يهدي سركوا يارب

الجد : بجد يا مهره ولا هتبقي زعلانه عشان معملتيش زي البنات

مهره : والله جد يا جدو وبعدين ازعل من ايه وبنات مين الي ابصلها هو الي تتجوز بدر النعمان ينفع تقارن نفسها بحد وهو اصلا ياما خرجني وعمره ما حرمني من حاجه يبقي واجب عليا اراعي ظروفه حتي من غير ما يطلب مش تفاهه وخلاص هي

مصطفي بغيظ : انا بوقي وجعني من التصفير كل شويه علي كلامك يا مهره هحاول أءقلم نفسي علي كلامك الي هيفقع مرارتي قريب

الكل هههههههه

مها : بص يا مصطفي والكلام للكل مهره حاله خاصه ملناش دعوه بيها ثم نظرت الي احمد واكملت يعني اي واحد هيفكر يقول لواحده فينا بصي مهره بتعمل ايه ولا استحملي زيها يبقي هو الي جابوا لنفسه وبعدين ابسط رد هتلاقوه مننا لما يبقي واحد فيكو يعاملنا زي معامله بدر ليها يبقي يجي يتكلم

احمد بغلب : طب هو انا اتكلمت ولا فتحت بوقي

مهره بخوف : يااااالهوي انتوا بتحسدونا عيني عينك كده شوفت يا جدو كان عندي حق لما اخاف مالحسد

الكل ههههههه

الجد بتعقل : ربنا يحفظكم يابنتي من كل شر بعدين يا ولاد كل واحد بيحب بطريقته ودرجه التفاهم بين اي اتنين بتختلف عن غيرهم مفيش حد شبه حد بس هو الي بيميز مهره و بدر انهم لاغيين ما بينهم كلمه انا اتنازلت عشانك يعني لو بدر عمل حاجه لمهره الناس شيفاها تنازل منه هو بيشوفها واجب عليه كذلك مهره عارفه الي بيريحه وبتعمله من غير عند ولا انها تصمم علي حاجه لمجرد انها تمشي رأيها وخلاص و برضوا هي شايفه ان ده الصح مش تنازل منها يعني باختصار دابوا في بعض لحد ما بقوا فعلا شخص واحد ده بيتفاهموا مع بعض بالنظره ويدور حوار بالعيون بينهم واحنا كلنا قاعدين مش فاهمين حاجه

غير احساسهم ببعض لو واحد جراله حاجه بدليل لما مهره تعبت اول يوم بدر سافر فيه لقيته بيتصل بيه يقولي طمني عليها يا جدي انا قلبي واجعني عليها وكذلك الامر هي يوم العركه هي حست وصممت انه حصله حاجه وانتوا مصدقتوش و حاجات كتير و مواقف اكتر هي الي كبرت الي بينهم و الاهم من ده كله والي خلاهم يوصلو للي هما فيه ان مهره ربنا اختار ابوها قبل ما تتولد وابتلاها بام خليتها يتيمه ام واب بس هي صبرت و مابصتش لحد عايش في وسط ابوه وامه و قالت اشمعني وبدر كفل يتيم و حطها في عنيه و حافظ عليها حتي من نفسه و مكنش مستني مقابل حتي لما حس انه بيحبها حارب حبه ليها بكل قوته عشان بس ميضيعش ثوابه و يبقي رباها وفي الاخر طمع فيها فربنا سبحانه كافئهم هما الاتنين انه يعطي لكل واحد اكتر حاجه اتمناها وهما الاتنين متمنوش حاجه من الدنيا غير بعض فهمتوا يا ولاد

تأثر الجميع بحديث الجد و قد وصلهم المغزي منه

مها : اقسم بالله يا جدو انا بهذر انت عارف احنا كلنا بنحب بعض اد ايه و دايما بنتمني الخير لبعض و مهره مش اختي في الرضاعه بس لا دي صاحبتي و روحي فيها و فرحتلها اكتر من نفسي لما ربنا رضاها وريح قلبها

الجد : انا عارف و متأكد لان الي انتي بتقوليه ده هو الي زرعته فيكم والحمد لله ربنا اكرمني في زرعتي و ارضي اتملت خير بس انا حبيت اوضح الموضوع ده عشان كل واحد يبقي عارف الطريقه الي بيحب بيها نصه التاني فهمتي يابنتي

مها : فهمت يا جدو ربنا يخليك لينا

امن الجميع علي دعائها

بدر : دروسك هتبدأ من الساعه ٢ صح كان يسأل مهره

مهره : لا خد التقيله بقي انا اصلا قررت اني مش هنزل مالبيت الشهر الي فاضل عالامتحان و هدرس اون لاين

بدر : نعم يا روحي قررتي مع نفسك كده

ياسر : بلاش تستهتري يا مهره دي ثانويه عامه مش هذار

مهره : يا جماعه افهموا وجه نظري الاول اولا يا بدر انا كنت هقولك قبل ما تنزل بس انت الي سألت ثانيا بقي احنا قفلنا المنهج من شهر و بقالنا شهر فات و شهر جاي كمان في مراجعات وبصراحه بقي نزول وطلوع و زحمه طلبه و تهريج كل ده تضييع وقت فانا قولت اوفر وقت ومجهود واراجع في البيت احسن والي اكون نسيته او واقف معايا اشوفه عالنت او انت تشرحهولي وعلي فكره انا بتكلم عن نفسي بس يعني زينه ولميس يروحوا عادي براحتهم

نظر بدر لها وقد فهم قصدها من ذلك هي تحاول ان تخفف عنه حمل القلق عليها وهي في الخارج لينتبه لما هو فيه

وقد فهمت هي نظرته فقال لها : لو عملتي كده هتبقي تمام ولا هيقصر معاكي في حاجه

ردت عليه ايضا بنظره مفادها ساتحمل معك ولن أخذلك وهو ايضا فهم عليها وقالت : لا كده احسن بكتير والله يا بدر

بدر : خلاص يا حبيبي الي يريحك اعمليه وانا واثق فيكي

......وفقط

اغلق الحديث علي ذلك وقام الجميع ليذهبوا الي عملهم

كان بدر يجلس في مكتبه داخل المصنع مع سليم ومصطفي وجد عابد يهاتفه فرد عليه : ايوه يا عابد اختفيت يعني بقالك يومين

عابد : كنت بظبطها صح يا بشمهندس المهم انا بتصل بالحج تليفونه غير متاح وانا عايز اقابله ضروري اقدر اجيلكم امتي

بدر بدون تفكير : النهاردة الساعه ٨ وانا هبلغ جدي

عابد : تمام ٨ بالدقيقه هكون عندكم سلام

اغلق بدر الخط دون الرد علي سلامه

مصطفي : تفتكر وافقوا

بدر : ده أكيد والا مكنش طلب يقابل جدك

سليم : يعني كده دخلنا في الجد ربنا يستر

أمن علي دعائه بدر و مصطفي وكلا منهم تدور في عقله مئات الأفكار لما ستئول اليه الأمور في الأيام القادمه

عند عابد كان يجلس مع عصام المصري وبعد ان اغلق الهاتف مع بدر قال : كده تمام يا باشا هروح النهاردة و ابلغهم بطلباتك خلينا نخلص بقي

عصام : اوعي تحسسهم اننا بعتنا ناس اقتحمت الشاليه بتاعهم

عابد : هو انا عبيط يا باشا عشان اقوله احنا روحنا بيتك فتشناه عشان نأمن نفسنا قبل ما نجيلك

عصام : كان لازم اعمل كده هو فاكرني اهبل و هاخد منه المفتاح لا طبعا انا كان لازم ابعت حد من وراه عشان اضمن انه ميكونش متفق مع الحكومه و يكونوا زارعين اجهزه تصنت متنساش اني اول مره اظهر لحد وبرغم كل شىء انا واثق في النعمان هو مش في طبعه الغدر و متأكد انه أجبر حفيده انه يوافق عشان يخلص مننا ويحافظ علي أحفاده هههههههع ميعرفش ان الي رجله بتغرز معانا مره بيفضل طول عمره مغروز و ميطلعهوش الا الدم

عابد بقلق داخلي فهو من اقنعه بالموافقه خلال اليومان المنصرمان قال : صح كلامك يا باشا و ده هيبقي مكسب كبير لينا

انقضي باقي اليوم حتي جاء المساء و معه موعد عابد وقد حضر في موعده

وها هو يجلس مع الجد و معهم بدر و مصطفي و ياسر و فقط والباقي كلا في عمله

عابد بعد ان شرب فنجانا من القهوه قد طلبه حينما وصل وعندما أنهاه وضعه امامه فوق الطاوله وقال : بكره يا حج تكون في الشاليه بتاعك انت وبدر بس من الصبح تقعد تستني في اي وقت هكون عندك انا والباشا الكبير

الجد : ليه هو حد قالك اننا مقاطيع موراناش غيركم ولا ايه

عابد : معلش يا حج تعالي علي نفسك انت متعرفش انا عملت ايه عشان اقتعه يظهر دي عمرها ما حصلت هو برضوا قلقان ولازم يأمن نفسه هو مش قليل في البلد

بدر : مش النعمان الي يقعد يستني حد ساعه واحده مش يوم بطوله بص بقولك ايه فوكك مالحوار ده انا مش عايزه اصلا و قولت لجدي انا كفيل ان اوقفكوا عند حدكم بس جدي الي عايز يقصر الطريق

عابد : شاهد يا حج حفيدك ينفع كده ده انا بقالي يومين بحايل فيه و بقنعه واول ما يوافق انتو ترجعوا في كلامكم

ياسر : عمرها ما حصلت ولا اننا نرجع في كلمه قولناها حاسب علي كلامك يا عابد

وبناء علي تعمد من الجد هذه المره ايضا قد طال الحديث بينهم بين شد و جذب حتي مرت ساعتان وقال الجد قراره

الجد : مش كل مره تنشف ريقي في الكلام يا عابد انا مش حمل مناهده خلاصه القول انا وياسر و بدر هنكون موجودين من الساعه ٤ لحد ٧ لو مجيتوش يبقي اي اتفاق بينا لاغي و الجدع منكم يقرب لنا

عابد : تمام يا حج هطلع من عندك عليه انتظر مني اتصال خلال ساعه

ثم غادر سريعا الي حيث ينتظره عصام المصري وحينما وصل اليه قال له عصام بلهفه : هااا طمني وافق

حكي له عابد كل ما حدث حتي أبلغه بآخر قرار للجد

عاصم : هههههههههههههههه كنت متأكد انا نظرتي متخيبش

عابد بدهشه من ضحكه قال : انا مش فاهم حاجه

عصام : يعني ده كان اختبار ليه و نجح

عابد : ازاي يعني

عصام : يعني لو هو متفق مع الحكومه عشان يوقعني كانوا هيخلوه يوافق علي اي حاجه اقولها حتي لو قولتله اقعد يومين مش يوم بطوله عشان هيكونوا مراقبين المكان وهيعرفوني انا فاهم كويس طريقه تفكيرهم

انما رفضه ده مع كل محايلتك عليه ساعتين اكدتلي ان رأيه من دماغه لان هو ده النعمان لا عمره انتظر حد ولا عمره خلي حد يتحكم فيه

عابد : طب يعني دلوقت هنعمل ايه

عصام : هقولك.....

$$$$$$$$$$$$

متنساش ان الروايه موجوده كامله في قناه التليجرام

والواتساب