خطايا داخل الجنه الفصل الرابع عشر بقلم الكاتبه فريده الحلواني
خطايا داخل الجنه الفصل الرابع عشر بقلم الكاتبه فريده الحلواني
روايه خطايا داخل الجنه الجزء الثاني من روايه الاربعيني
الفصل الرابع عشر
فريده الحلواني
صباحك بيضحك يا قلب فريده
هو انا ليه حساكي جميله ...مش شكل بس لا روحك حلوه و قلبك طيب
اصلا بموت فيكي
حبي نفسك يا مسكره لأنها تستاهل كل الحب الي فالدنيا
و الي مش شايفك كده يبقي محتاج يلبس نضاره
انا بعشق امك اصلا
جميعنا نخطئ ....نتمادى في خطايانا
يبهرنا بريق تلك اللحظة التي نعيش فيها متعه محرمه
و لنا رب رحيم حليم يمهلنا و يمهلنا
لكن في لحظه تهبط صفعه قويه علي وجهنا كي نفيق من وحل الخطايا التي غرزت فيه اقدامنا
وقتها ....يحين وقت التطهر و العودة الي الطريق المستقيم
عاد الي بيته بقلب يرجف من شده الرعب...لأول مره يخاف بتلك الدرجة
طوال حياته كان أبيه و نعم الصديق
لم يجرب حزم الأب و غضبه من قبل
سالم الشريف صديقه الصدوق يقص له كل شيء و اذا أخطأ يوجهه باللين
ليس معه فقط لكن مع اخيه و اخته أيضا
لا يعلم كيف سيواجهه...فقد حظره عدي كثيرا و نصحه الا ينصاع الي تلك الحرباء
لكنه رفض و أصر علي ذلك ليس لشيء إلا ليكشف حقارتها أمام نوح ...
صديقه و معلمه رغم فارق العمر بينهما
أبي أن يظل مخدوعا فيها ...و أراد أيضا أن يلقنها درسا لن تنساه من أجل اخويها اللذان لا يستحقا أن تشوه رجولتهم بسببها
لكن كل ما خطط له ذهب إدراج الرياح بعدما تفاجأ بما حدث
فليعينه الله علي ثوره أبيه
دلف بخطي ثقيله...نظر لامه الباكيه باعتذار لم ينطقه ...واجه نظرات اللوم من اخيه
و الغضب المرسوم علي وجه ابيه جعله حقا يرتعش من الداخل
أما سعاد كعادتها تضم الصغيرة التي بدأت تغفو
فقالت لعدي برفق : شلها يابني و طلعها اوضتها عينيها بتروح في النوم
نفذ ما قالته بينما كان تميم يقف أمام ابيه بخزي
تابع سالم بعينه اختفاء ولده مع الطفلة حتي لا تخاف
بمجرد أن اطمأن لابتعادهم عن المكان ...نظر الي ولده بنظره جحيميه ثم قال : نمت معاها ....هتتجوزها
اشتعل تميم غضبا و هو يقول اتجوز مين ...عايزين تدبسوني في واحده ####
هاااااا....تلك كانت أصوات الشهقات التي خرجت من النساء بعد أن صفعه ابيه لأول مره في حياته
لم يهتم بل قال بغضب جم : ال ##### دي انت الي ريلت عليها ...انت زي اي واحد اهبل مشافش لحمه و لا لمس نسوان وقعت في فخ امها الحربايه
رانيا يا بيه الي جاتلي لحد بيتي و اتصلت ببنتها قدامي عشان تعرفني أنكم بتحبو بعض و البت هتبات معاك في الشقة
كتم دموعه بصعوبة و قال : يا بابا انا ملمستهاش و غلاوه امي عندي ما لمستها و لا كنت ناوي اعمل معاها حاجه
انا مش وسخ للدرجة دي و لا قليل الاصل
علي الاقل هعمل حساب نوح الي علمني كل حاجه و لحد دلوقت بيوجهني و بأخذ رايه في أي حاجه تخص شغلي
هعمل حساب لأخواتها الرجالة الي مشفتش منهم غير كل رجولة و احترام و اعتبروني اخوهم الصغير
النسوان علي قفي من يشيل و هما الي بيترمو تحت رجلي ...مش معقول هسيب ده كله و اخون العيش و الملح و الصحوبية
يعلم ولده جيدا ...يصدق كل حرف تفوه به ...لكن تلك الخبيثة أحكمت فخها جيدا و وقع فيه بسهوله
سأله بحزن و هم : طب لما هو كده أخدتها الشقة ليه ...كلمتها ليه من اصله
قبل أن يرد عليه وجد عدي الذي أتي أثناء صفعه اخيه يقول بجديه : عمل كده عشان ينقذ سمعه الرجالة الي قالك عليهم يا باشا البت ريحتها فاحت ...مش سايبه كلب معدي في الشارع الا لو كلمته هي الي شاغلت تميم باتصالاتها كل شويه قالها انا سكتي شمال و انتي مينفعش تيجي علي سكتي
قالت له بمنتهي البجاحة انا أولي ما لغريب جرب يمكن اعجبك فكرت انا و هو ازاي نجبرها تحترم نفسها قبل ما توطي رأس أخواتها بعد ما تجبلهم العار ...ماحنا منضمنش ممكن تقع في سكه مين
تميم اتفق معاها يقابلها في الشقه و هيسبها لما تقلع أو تقرب منه ...هياخد كام صوره و يهددها بعد ما بخفي ملامحه و يقولها لو فكرت تعمل الغلط او تكلم أي حد هينشر الصور دي ...غير أنه هيراقب فونها و هيراقبها هي شخصيا
ده الي كنا هتعمله يا بابا عشان خاطر نوح و أخواتها...
متخيلناش أبدا أن امها الزباله دي عارفه كل ده و موافقه عليه كمان
صرخت سمر بجنون : أااايه القرف ده ...انا مش قادره اصدق الي يسمعه ازاي توصل بيها الحقاره أنها توافق بنتها علي كده
نظرت لسالم برجاء من بين دموعها المنهمره ثم قالت : اوعي يا سالم تنفذ الي هي عايزاه ....اموت و الله لو ده حصل
ضمها سريعا و هو يقول بلهفه مع أولاده و سعاد : بعيد الشر عليكي يا بابا ...اوعي تقولي كده تاني
روجيدا بحزن : أنا و ايلا و أسيل بعدنا عنها بسبب اسلوبها الوحش ...تقريبا الدفعه كلها بتتكلم علي أخلاقها...انا الي اشتكيت لتميم بس و الله مكنتش اعرف ان الموضوع هيكبر كده
ضمها عدي بحنو ثم قال : بس يا حببتي اهدي ...احسن حاجه عملتيها انك عرفتينا
سعاد بغل: الي تعمل ده كله اكيد مرتبه لكل حاجه ...تفتكر لو حلفت عالمصحف انك ملمستهاش هتصدق و لو رفضت تتقدملها مش بعيد هي الي تفضحك و تحكي لاخواتها كمان
عض شفته السفلي بغل ثم قال : عندك حق يا ماما ...بس علي مين بنت الكلب دي مش هتقدر تقرب من ابني اذا كان هي حيه انا السكينه الي هتقطع رأسها
همس لها بنبره شيطانيه دون أن يهتم برعشه جسدها من شده الخوف و قال : أتشاهدي علي روحك يا عروسه الجنه
حاولت الإفلات منه إلا أنه اكمل بغضب جم : عليا الحرام من ديني لو طلعلك نفس لأكون مكتفك و داخل عليكي هنا ...حتي لو صوتي و الدنيا اتلمت مش هحلك ...بالراحه كده تيجي معايا نقعد في مكان عشان نتكلم براحتنا
هشيل ايدي و فكري تجني و تعملي حاجه ...أعقب قوله بازاحه يده من فوق ثغرها و فك وثاقه لجسدها
التفت سريعا كي تواجهه ثم قالت بهمس غاضب : أنا مشفتش في بجاحتك اقسم بالله ...انت ليك عين تتكلم اصلا و بعدين مفيش حاجه تتقال بينا يا فؤاد كلامنا خلص من اول ما رجلك خطت جوه القاعه
أمسك زراعها بعنف ثم نظر لها بعيون مثل الجمر و قال : لاااا...في و في كتير اوي ....اخلصي لو مش عايزه الدنيا تتفرج علينا ....هنتكلم لاخر مره ...مش هفوت الي عملتيه يا بنت الكلب قالها بغل و غيره حارقه
لم تهتم ...بل دفعته داخل صدره بغيظ و هي تقول : بطل غلط ماااشي ...انا جايه معاك مش عشان خايفه منك ...لا عشان اخلص بقي و اقفل بابك خلاص ...أعقبت قولها بدفعه مره اخري و تتخطاه كي تذهب الي غرفتها بملامح متجهمه
أما هذا المتبجح ابتسم بسخريه رغم غليانه من الداخل ثم قال : البسي اي عبايه...العربيه واقفه قدام داخله البيت ...عض شفته السفلي ثم اكمل بوقاحه : و عشان تبقي اسهل كمان مش ناقص فرهده
التفت و ناظرته بغل ثم قالت بجنون ...هتجلط
وصل بها الي احدي المخازن الخاصه بعمله في احدي المناطق النائية....بعد أن فتح جميع الاقفال نظر لها و قال : اتفضلي يا برنسيسة
نظرت له بخوف بعد أن تفقدت المكان الخالي من البشر ثم قالت بصوت مهزوز : ايه الحته المقطوعه الي انت جايبني فيها دي ...انت ناوي علي ايه
نظر لها بغل ثم دفعها برفق الي الداخل...أغلق الباب الحديدي بقوه فانتشر الصوت في الفضاء بطريقه بثت الرعب داخل قلبها
ثم قال بنبره خطره : ناوي علي كل خير طبعا
احكم إغلاق الباب من الداخل ثم وقف بشموخ واضعا كفيه داخل جيوبه
ظل يطالعها بغضب و غيره و عشق ارهقه ثم قال : كنتي عايزه ترقصي قدام الرجاله دي كلها صح
بتتحديني صح ....خربتي الجوازه و ارتحتي ...وصلتي الي انتي عايزاه يا جنه
اشتعلت عيناها بجمر الغضب و القهر
ردت عليه بقوه تفاجأ بها : انت عقلك اتلحس صح ...ماهو مش ممكن تكون انسان طبيعي انا اترجيتك ...اعترفتلك بحبي ...خيطلي الفستان الي هحضر بيه فرحك بايدك جبتهولي عشان البسه بدل كفني لأنك عارف اني هموت بعدك حظرتك و قولتلك آخر فرصه ليك وقت ما رجلك هتخطي باب القاعه صحححح
و انت كملت و مهمكش وجعي ...كان بالنسبة لي اعتراف منك أني مفرقش معاك و لا يهمك وجعي
كان لازم ارقصلك يا فؤاد ...عشان اكويك بناري و احرق قلبك زي ما دبحت قلبي بسكينه تلمه
لكن رغما عنها و هي تكمل بقهر: متحملتش تشوف حد غيرك بيبص عليا بصه اعجاب ...امال هتجوزني لغيرك ازاي يا باشا ....مش ده كلامك بردو
هتطلقني بعد ما اكمل سن الرشد و اتجوز غيرك ....ضربته بقبضتيها داخل صدره و هي تكمل بجنون : انت متحملتش حد يبصلي...قولي ازاي كنت هتتحمل اكون ملك لغيرك ...مش هيشوفني بس لا ده هينام م....ااااااه
قطعت حديثها و صرخت برعب حينما امسك خصلاتها بعنف و قد تحولت ملامحه الي شيطان رجيم و هو يصرخ بجنون : اااااخرسي...
هقتلك يوم ما حد يلمس شعره منك سامعه
لف زراعه حول خصرها و حملها بقوه و هو يقول بهوس: انتي بتاعتي ...كل حته فيكي ملكي ...محدش له حق فيكي غيري سااااامعه
نظرت له بجنون و قالت رغم الم رأسها: طب مانت الي رافض ...انت الي مش عايزني
انا بموت في التراب الي بتمشي عليه يا فؤاد ....اتحملت رفضك ليا ...اتحملت كتير يا فؤاد حتي معايرتك ليا عشان انا بنت مرات ابوك اتحملتها ....و رغم كده قولتلك انا بحبك ...و حاسه بعشقك ليا انت بتحاسب مين و لا بتنتقم من مين ...انا مش فاهمه حاجه
رد عليها بنبره رغم قوتها الا انها خرجت مذبوحه: بنتقم من نفسي يا جنه
نظرت له بعدم فهم من بين دموعها المنهمره و قالت : طب ليه ...بتنتقم من نفسك عشان حبتني هو انا مستاهلش اتحب....و لا انت خساره فيا
ترك خصلاتها ليمسك جانب وجهها بقوه و يقول : بنتقم من نفسي عشان حبيتك ...مكنش لازم اطاوع قلبي ابن ميتين الكلب من صغرك و انتي بتجبريني علي عشقك...من اول ما خطيتي اول خطوه و اترميتي في حضني ....حاربت نفسي و قلبي عشان ابعد عنك ...الاول كنت رافض مجرد الفكره عشان بس انتي بت مرات ابويا بنت الست الي أخدت مكان امي ...امي الي ماتت قدام عيني و قبل ما روحها تطلع وصتني مخليش ابويا يتجوز مخليهوش يعيش حياته زي ما حرمها من حياتها
مخليهوش يعيش مع واحده غيرها سعيد و هي كانت محرومه من قربه انا عارف اني امي غلطانه ...و ظلمت ابويا كتير بس انا كنت عيل ...مجرد عيل أتاثرت بكلامها الي بمجرد ما خلصته روحها طلعت
كنت بتعذب و انا شايف طيبه امك و معاملتها و حنيتها الي مشوفتهاش انا و اخواتي من امي ...كل ما اضعف افتكر كلمتها الاخيره ...مش مسمحاك لو منفذتش وصيتي
و انتي ...فضلتي تكبري قدامي يوم بعد يوم و يكبر عشقك جوايا حاربت و حاربت بس مقدرتش
سألته بصدمه : طب ليه ده كله ....ليه تعذب نفسك و تعذبني معاك الله يرحمها و يسامحها كانت غلط و الي عملته معاك ده انانيه منها
ليه تعمل فينا كده يا فؤاد ليييييه
عشااااااان...عقيم
تلك الكلمه خرجته من داخله ملطخه بدماء كبريائه و كرامته التي عقدها الآن بعد أن افشي سره
زوت بين حاجبيها و هزت رأسها ببطيء مميت....سألته بحظر و عدم تصديق : مين الي عقيم ...مش فاهمه تقصد ايه
أنزلها برفق ثم قال بنبره خاليه من الحياه و أصبحت ملامحه تحاكي الأموات: أنا الي عقيم يا جنه ...بعد ما كبرت و بدأت ابعد تأنيب الضمير من جوايا ...قولت يا واد امك الله يرحمها و انت عارف انها غلطانه
بلاش تعذب نفسك و تعذب حببتك معاك ...حسيت بتعب تحت مني ...من غير دخول في تفاصيل و بعد ما روحت للدكتور
عملت اشعه و تحاليل و فالاخر قالي أني عندي عقم ...في عمليه كنت المفروض اعملها من سنتين بس كبرت دماغي لما قالي نسبه نجاحها ضعيفه ده غير أني بعدها همشي علي قرص علاج لمده سنه
وقتها عرفت انك مش ليا ...ماهو انا مش اناني عشان احرمك من الحاجه الي اي بنت بتتمناها
سالت منه دمعه ساخنه و هو يكمل : حاولت اكرهك فيا مقدرتش ....حاولت ابعد عنك بردو مقدرتش ...عملت كل حاجه تخليني وسخ في نظرك
بس للاسف انتي قرياني....عارفه الي بقوله بلساني حاجه و الي جوايا و عيني بتصرخ بيه حاجه تانيه
مكنتش ناوي اقولك ...كان بالنسبالي أفضل وسخ و واطي في نظرك احسن ما ابقي مش راجل او ناقص
سألته ببهوت : آمال كنت هتتجوز نجوي ازاي ...كنت هتقولها علي سرك و لا هتخليها تعيش معاك علي غش
هز راسه ببطء ثم قال بنبره تقطر وجعا: مش هتجوز غيرك ...و لا هقدر المس غيرك ....انا كنت هفركش الخطوبه كده كده
بس عملت كده عشان تبعدي و انا عارف ان دي بالنسبة لك خيانه و مش هتسامحي فيها
هنا ...انطلق البركان من داخلها في وجهه كي تحرقه مثلما احرقها بمنتهي الغضب و الغل الذي تحمله داخلها له
بدأت تضربه بجنون و هي تقول بصراخ : يابن الكلب يا واااااطي طلعت ميتيني و وجعت قلبي عشان الهبل ده ....مفكرتش فيا ....طب قولي ...خد رأي عرفني السبب بدل ما انا بتحرق في اليوم مليوووون مره
ظلت تضربه بقوه و هي تصرخ بهستيريه: بكرهك ....بكرررررهك يابن الكلب ...طلقني ساااامع طلقني حالااااا
أمسك زراعيها كي يمنعها من ضربه ...خفق قلبه بشده رعبا من انهيارها
حاول ضمها و هو يقول بصوت مختنق أثر بكائه الذي فشل في منعه : اهدي ...اهدي عشان خاطري
هطلقك ...هعملك كل الي انتي عايزاه بس اهدي متخوفنيش عليكي ...انا مدبوح يا جنه متذودهاش عليا
هنا ...بعد سماع تلك الكلمه أجبرها قلبها علي التعقل قليلا
هدات الي حد ما و نظرت له بغضب ثم قالت بصدمه : هتطلقني ...بسهوله كده دانا مش فارقه معاك خالص بقي
كوب وجهها بقوه و قال بصعوبه : انتي روحي يا جنه ...يوم ما هنطقها اعرفي أني موت ...روحي هتفارق قلبي و جسمي
و كأن اجسادهم صرخت بوجع ...و كأن أقدامهم أصبحت غير قادره علي الصمود و حملهم
هبطا معا دون اتفاق مسبق ليجلسو علي ركبتيهم ارضا
اكمل بقهر و ما ادراك بقهر الرجال : هتتحرري مني ...هتتجوزي غيري ...هتخلفي عيال شبهك يقولولك يا ماما
و انا هفضل ابص عليكي من بعيد أموت في اللحظه الف مره و انا شايفك مع غيري
ضغط علي وجهها بقوه دون شعور ....أكمل بجنون و اجرام : هقتله ...الي هيقرب منك تقتله مش هقدر ....و غلاوه جنه في قلبي و عذابها الي بيدبحني ما هقدر
قولتلك انا شيطان و الجنه مش بيدخلها شياطين
قولتلك كده عشان انا عارف نفسي ابن ستين كلب...جرحتك و عذبتك و انا قاصد ده
مش اناني ااااه...عشان مقبلتش اظلمك معايا ...بس مجنوووون بيكي و مش هقدر اشوفك مع غيري
اكمل بتيه و كأنه حفل يتوسل امه : مش انتي بتفهميني اكتر من نفسي مش انتي عارفه و شايفه الي جوايا
قوليلي اعمل ايه ....و ربنا ما هقدر اظلمك
و مش هقدر اشوفك مع غيري
انا بمووووت يا جنه بموت
لااااا....انا موت و دخلت جهنم بس مش قادر علي عذابها
رغم صعوبه الموقف ...رغم صوت شهقاتهم التي دوي صداها داخل المكان
الا انها اقتربت منه بهدوء غريب ....الصقت وجهها بخاصته
طبعت قبله سطحيه فوق فمه ....لم تهتم بصدمته بل بمنتهي العشق بدأت تلعق دموعه بلسانه و تبتلعها
ارتعش جسده بشده
بل أهتز كيانه أثر فعلتها الغريبه بالنسبه له
ابتعدت قليلا لتكوب وجهه بكفيها المرتعشان
ثبتت عيناها الباكيه داخل خاصته المقهوره ثم قالت : بعشقك يا قلب جنتك و نارها و عذابها انا الي هغير قوانين الكون
هخلي الشيطان يعيش جوه الجنه ...هطهره من خطاياه
الجنه من غيرك خراب يا حبيبي
نظرت لها بقهر و الم شديد ثم قال : مش هينفع ....مش هقدر اظلمك ....اذا كنت بموت في بعدك ....هدبح في قربك و انا حارمك من الضني الي كنتي بتحلمي بيه
ابتسمت بهم ثم قالت بغلب : ماهو انا مش هتجوز غيرك طيب ...يعني كده كده هتحرم منه
نظرت له بقوه و أكملت: يبقي انحرم منه و حضن حبيبي يعوضني ....و لا اتحرم من كله و اعيش بقهرتي
هز راسه ببطء ثم قال : مش عارف ...قسما بربي ما عارف و لا قادر افكر و لا اخد قرار
مجرد بس ما بتخيل انك مش في حياتي روحي بتتسحب مني و بردو اول ما اتخيل أني كملت معاكي و ظلمتك مبقدرش اتحمل مجرد الفكره
اعمل ايه ...قوليلي عشان خاطري اعمل ايه
رغم شعورها الملح أن تأخذه داخل احضانها و تطمأنه الا انها تعلمه جيدا ...وقت الغضب أو الحزن عقله يتوقف عن التفكير
اي قرار يأخذه وقتها يندم عليها لاحقا و بمنتهي الغباء و الكبر لا يعود عن ذلك القرار رغم ندمه
اذا يجب عليها أن تعيد تربيه ولدها الكبير و تؤهله من جديد ...ستأدبه و تعاقبه علي كل ما فعله بهما بسبب غبائه
تعلم جيدا كيف تعيده لها بمليء إرادته
تعلم كيف تجعله يأتي متوسلا أن تكمل معه و ليذهب كل شيء الي الجحيم
و الجحيم هو ما توعدت به له عقابا علي غباءه
وقفت بصعوبه و هي تقول : مش هتكلم ...و مش هقولك تعمل ايه
وقف سريعا و قال بخوف : يعني ايه ...هتسيبيني
أبتسمت بجانب فمها ثم قالت : انت الي سبتني اصلا يا فؤش مش مسمحاك علي كل العذاب ده
لو كنت جيت قولتلي كنت ركعت تحت رجلك و بوستها....كنت هقولك ضوفرك عندي بالدنيا و ما فيها حضنك عندي احسن من مليون عيل لو انا الي كنت عقيمه كنت هتعمل ايه هتسبني و لا هتتجوز عليا
عمرررري...
هكذا رد عليها بقوه و يقين ثم اكمل بحزن : كنت هبقالك ابنك و حبيبك ...كنت هحط
ك جوه عنيا و احمد ربنا انك معايا و مش عايز حاجه تاني من الدنيا
نظرت له بغل ثم قالت : ......
ماذا سيحدث يا تري
سنري
انتظرووووني
بقلمي / فريده الحلواني
متنساش ان الروايه موجوده كامله في قناه التليجرام
والواتساب
1- للانضمام لقناه الواتساب
( 👈اضغط هنا👉 )
꧁꧁꧁꧁꧂꧂꧂꧂
2- للانضمام لقناه التويتر
(👈 اضغط هنا👉)
꧁꧁١꧁꧁꧂꧂꧂
3- للانضمام لصفحه البيدج
(👈 اضغط هنا👉)
꧁꧁꧁꧁꧂꧂꧂
4- للانضمام لقناه اليوتيوب
(👈 اضغط هنا 👉)
꧁꧁꧁꧁꧂꧂꧂
5- يمكنك للانضمام لقناه التليجرام
( 👈اضغط هنا👉 )
꧁꧂ ꧁꧁꧁꧁꧂꧂
6- ويمكنك للانضمام لصفحه التيك توك
( 👈اضغط هنا 👉)
꧁꧂꧁꧁꧁꧂꧂꧂
7-وللانضمام لصفحه الانستجرام
(👈 اضغط هنا 👉)
꧁꧁꧁꧁꧂꧂꧂꧂
و للانضمام علي جروب الفيس بوك
(👈 انضمام 👉)
👆👆👆👆
📚 لقراءه الفصل التاني من هنا ♡♡♡👇👇
( الفصل الخامس عشر )
✍️ لقراءه خطايا داخل الجنه كامله 👇
( 👈اضغط هنا👉 )
