روايه انت نصيبي وقسمتي بقلم إسراء جمال
روايه انت نصيبي وقسمتي بقلم إسراء جمال
روايه انت نصيبي وقسمتي
الفصل الاول
بقلم إسراء جمال
بسم الله الرحمن الرحيم
الفصل الاول...
انت نصيبي وقسمتى..
كانت تجلس في منتصف فراشها تذاكر دروسها بانتِباه شديد، حينما سمعت صوت دقات على نافذة شرفتها، فابتسمت بخفة، فهي تعلم أن من يفعل تلك الفعلة دائما ليس سوى جارها الوسيم، وفارس احلامها منذ الصغر.
علمت أن حبيبها قد عاد من عمله للتو ودلف داخل الشرفة فى البناية المجاورة لها، وكاعادة كل يوم يلقي على باب شرفتها بعضًا من الحصى لكي تسمعه وتخرج لتراه وتسأله عن ما فعل في يومه مثل كل يوم في نفس الموعد.
خرجت أميرة وعلى وجهها ابتسامة سعيدة، وقالت بمرح: "وحشتني، اتأخرت كدة ليه انهاردة؟ وكمان برن عليك كتير، موبايلك مقفول؟".
وكان على الجهة الأخرى يقف أحمد، ذالك الشاب ذو الوجه الوسيم والشعر الأسود الغزير والعيون السوداء الواسعة.
تطلع اليها ببسمة باهتة و أردف قائلًا بتعب: "معلش يا ميرو، انهاردة فضلت ألف طول النهار على كعوب رجليا عشان حد يعبرني ويشتري مني منتج واحد، مفيش حد عبرني خالص
حيث إنه يعمل كمندوب مبيعات بجانب جامعته لكي يتيح له مصاريف الجامعة.
ردت أميرة بحزن على حاله: "معلش يا حبيبي، متزعلش نفسك، إن شاء الله كلها سنة وتتخرج وتلاقي وظيفة كويسة".
ابتسم أحمد لها وقال: "إن شاء الله يا حبيبتي، المهم قوليلي يومك كان عامل إيه انهاردة يا أستاذة؟".
أميرة بحماس: "ولا حاجة زي كل يوم، روحت المدرسة ورجعت اتغديت وبعدها روحت السنتر أخدت الدرس ورجعت ذاكرت شوية وبعدها قعدت أستناك".
أحمد بابتسامة: "شطورة يا قلبي، ادخلي بقا نامي عشان مدرستك، وأنا كمان هدخل أنام عشان عندي محاضرة بكرة بدرى وهلكان ونفسي أنام جدًا".
أميرة: " بمحبة ماشي يا حبيبي، تصبح على خير".
أحمد: " ببسمة حانية وانتي من أهل الخير واهلي".
نسيت اعرفكم باالبطلة
" اميرة " بطلة روايتنا
فتاة فى غاية الرقة والجمال
ذو بشرة بيضاء وعيون واسعة سوداء ورموش كثيفة وشفاة وخدود وردية ذو غمازتين
وشعر اسود حريرى طويل ذادها جمالا فوق جمالها ، فتاة فى الثامنة عشر من عمرها ف الصف الثالث الثانوى تعشق احمد جارهم منذ الطفولة وهو ايضا يحبها منذ طفولتة وجميع عائلتها وعائلتة يعرفون بهذا الامر
لاكن هل سيستمر هذا الحب لوقت طويل ؟!
هذا ماسنعرفة فى الاجزاء المقبلة
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
فى صباح اليوم التالى
تململ احمد من نومة على صوت رنين هاتفة فا نهض وامسك بالهاتف واغلقة ثم خرج للشرفة فا وجد اميرة تنتظره بها وعلى وجهها ابتسامة مشرقة
_:احمد بنعاس صباح الفل ع احلى عيون ف الدنيا
اميرة بمرح : صباح الهنا لحبيبى انا، كل دة نوم يا استاذ اتفضل ادخل اتوضى وصلى وافطر والبس وحصلنى عشان مش عاوزة اتاخر ع المدرسة المديرة هتنفخنى
احمد بضحك :_ حيلك حيلك انتى اية بالعة راديو ع الصبح وبعدين نوم اى دة لسة الساعة سبعة الصبح
اميرة بغيظ :_ ما انت عبال ماتجهز هننزل الضهر يابشااا ، يلا انجز ياض انت وبلاش رغى كتير خمس دقايق وتحصلنى وخرجت بسرعة قبل ان ينطق هو بااى كلمة . . .
انطلقت اميرة خارخ غرفتها حيث يجلس والدها ااستاذ راضى وولدتها سعاد
واختها منى
وقالت بمرح وهى تلقى عليهم تحية الصباح :_ صبااااحو فل عليكم ياجماعة
_ ردو عليها الجميع بصوت واحد صباح الخير يالمضة يلا تعالى افطرى
جلست معهم تااكل بسرعة
_ فقال والدها اي يابنتى ماتقعدى تاكلى زى الناس
_اميرة وهى تاكل بسرعة معلش يا بابا اصلى غظت احمد وقولتلة انو هيتاخر انهاردة فا زمانة عند فيا وهيخبط ع الباب دلوقتى، واثناء محادثتها ل ابيها رن جرس الباب ذهب منى لتفتح وجدتة احمد يدلف للداخل ويلقى عليهم تحية الصباح
احمد وهو ينظر لاميرة بتحدى :_ صباح الخير ياجماعة
اميرة بضحك :_ مش قولتلك يا بابا زمانو عند فيا وهييجى جرى عشان استفزيتة
احمد بغيظ :_طاب يلا يازوفتة عشان نمشى
وجذب اميرة من زاعها ودلف بها للخارج وهو يقول بعد اذنكم ياجماعة عشان هنتاخر .
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
بعد خروج احمد واميرة
_ نظر الاب لام اميرة بغضب وقال وبعدين فى بنتك ياسعاد .
سعاد بعدم فهم :_ مالها بنتى بس ياراضى
راضى بنرفزة :_ مش عاجبنى اللى بيحصل بينها وبين اللى اسمو احمد دة وهما مفيش بينهم اى ارتباط رسمى
سعاد بهدوء :_ ياراضى ما انت عارف احمد واخلاقة كويس و عارف انو بيحب بنتك وشاريها بس لسة قدامة شوية ع خطوة الارتباط الرسمى دى ،
هو لسة متخرجش غير الجيش اللى اكيد هيدخلو عشان اخوة مقبلش وكمان لسة قدامة اخوة اللى متجوزش
راضى بملل من كلامها :_ اذاى كان ع اخوة ف فرحو اخر الشهر يعنى مفيش مشكلة واذا كان ع الكلية ف دى اخر سنة وهيتخرج فيها اية لو اتقدم وعملنا خطوبة لحد ما يخلص جيش انا مش مرتاح للموضوع دة ياسعاد
سعاد ببسمة وهى تربط ع ظهرة :_ متقلقش ياخويا ان شاء الله قريب اوى هتفرح بيهم
راضى بشرود :_ طيب ياسعاد خلينى ماشى وراكم لحد مااشوف اخرتها اية معاكم.
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
_ اهو يستى ادينا وصلنا وهما لسة مطلعوش الفصول عشان متتنفخيش من المديرة اللى رعباكى دى
اميرة بضحك وهى تنظر الية :_ شكلك حلو اوى وانت ماشى نعسان كدة
احمد بغيط :_ يلا يابت خشى بدال ما انفخك انا بتصحينى من احلى نومة وتقولى شكلك حلو
اميرة بضحك وهى تدخل المدرسة :_ طاب يا عم متزوقش ودلفت الى المدرسة
بينما احمد يتابعا وع وجهه ابتسامه وبعدها انطلق الى جامعتة
**************************
ف كلية التجارة كان يجلس مع زمائلة ف كافتيرا الجامعة
_ والله يابنى انت مجنون بقا حد يسيب الصااروخ اللى هناك دى ويفضل مكلبش ف البت جارتك دى
نطق بها احد زملاء احمد وهو جالس بجانبة
بينما نطق احمد بعصبية :_ معتصم احترم نفسك ومتجبش سيرة اميرة ع لسانك انا بحبها وعجبانى ومبحبش ولا هحب حد غيرها ولو سمعتك بتتكلم عنها كدة تانى هزعلك ماشى
معتصم بسخرية :_ طايب ياخويا اشبع بيها ونا مالى،
وبينما وهم يتبادلون اطراف الحديث استمعو الى صوت انثوى صارخ يهتف بدلع من امامهم احمد ممكن كلمة من فضلك
نظر اليها احمد بنفاذ صبر وقال :_
نعم عاوزة اية يا ساندى.
ساندى زميلة احمد ف الجامعة
تعشقة منذ ان خطت قدميها الجامعة وهو لا يبادلها نفس الشعور ولاكنها اقسمت ان تجعله لها وتجعلة يبادلها حبها اين كان الثمن
(ساندى )
فتاة فى العشرن من العمر ذو بشرة بيضاء وعينان بلون البندق وشعر بنى حريرى قصر
ذو شخصية طموحة وعنيدة ايضا تحب التملك ولا تهاب احد
تعشق التحدى وتحديها ف الحياة ان تجعل احمد ملكها
فهل ستكسب التحدى ام ماذا ؟!
ف كلية التجارة كان يجلس مع زمائلة ف كافتيرا الجامعة
_ والله يابنى انت مجنون بقا حد يسيب الصااروخ اللى هناك دى ويفضل مكلبش ف البت جارتك دى
نطق بها احد زملاء احمد وهو جالس بجانبة
بينما نطق احمد بعصبية :_ معتصم احترم نفسك ومتجبش سيرة اميرة ع لسانك انا بحبها وعجبانى ومبحبش ولا هحب حد غيرها ولو سمعتك بتتكلم عنها كدة تانى هزعلك ماشى
معتصم بسخرية :_ طايب ياخويا اشبع بيها ونا مالى،
وبينما وهم يتبادلون اطراف الحديث استمعو الى صوت انثوى صارخ يهتف بدلع من امامهم احمد ممكن كلمة من فضلك
نظر اليها احمد بنفاذ صبر وقال :_
نعم عاوزة اية يا ساندى.
ساندى زميلة احمد ف الجامعة
تعشقة منذ ان خطت قدميها الجامعة وهو لا يبادلها نفس الشعور ولاكنها اقسمت ان تجعله لها وتجعلة يبادلها حبها اين كان الثمن
(ساندى )
فتاة فى العشرن من العمر ذو بشرة بيضاء وعينان بلون البندق وشعر بنى حريرى قصر
ذو شخصية طموحة وعنيدة ايضا تحب التملك ولا تهاب احد
تعشق التحدى وتحديها ف الحياة ان تجعل احمد لها هى فقط ..
_ احمد نعم ياساندى فى حاجة ؟!
_ ساندى بدلع وهى تقترب منه، هو لازم اكون عاوزة حاجة ،مش يمكن عاوزة اقف اتكلم معاك شوية
_احمد بنفاذ صبر قولتلك مية مرة قبل كدة ياساندى ان مفيش بينى وبينك حاجة تخلينى اقف معاكى، او اتكلم معاكى ف حاجة اصلا انتى لية مصممة انك تحرجى نفسك !
_ساندى بحزن مصطنع : لية يااحمد بتعاملنى كدة ، وانت عارف انى بحبك من و احنا ف سنة اولى وبحاول بكل الطرق اقرب منك وانت مش مدينى وش خالص ، انا عاوزة اعرف انا مش عاجباك ف اية
احمد بهدوء :_ اولا ياساندى مش حكاية عحبانى او لا الحكاية مش كدة خالص
ساندى بضيق : اومال الحكاية ازاى يا احمد
احمد بهدوء : بصى ياساندى من الاخر كدة انا بحب واحدة تانية وواعدها با الجواز ان شاء الله قريب و مستحيل افكر ف حد غيرها فا طلعينى من ماغك واشغلى دماغك ياستى بحد تانى غيرى
ساندى بغيظ : مستحيل دة يحصل واوعدك يا احمد ياا هتتجوزنى انا يا ماهتتجوزش حد غيرى خالص وتركتة يقف مذهول ورحلت
_احمد ف نفسة مجنونة دى ولا اية وخبط كف بااخر ورحل كى يذهب الى عملة
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
★★****************************★★
_ ميررررو ياميررررو
اية يانهلة فزعتينى مالك
نهلة بمرح انتى اللى مالك ياختى من ساعة ما الحصة خلصت وانتى قاعدة مبلمة ومبتتكلميش مع حد وسرحانة مالك فى اي
اميرة بحزن : زعلانة اووى اوووى يا نهلة
نهلة بخضة : نعممم وزعلانة لية بقا ان شاء الله
اميرة : عشان احمد يا نهلة بيلف ع كعوب رجليه طول النهار دة غير الجامعة وف الاخر مش عارف يلم حتى حق الدبل وبابا علطول زعلان انى برفض اى عريس بيتقدملى بسبب احمد وبيقولى لا يتقدم لا ملهوش دعوة بيكى لولا ماما بتهدية شوية من نحيتنا
نهلة بحزن ع حال صديقتها : معلش ياميرو باذن الله ربنا هيعدلهالكم متزعليش نفسك وسبيها ع الله
اميرة : ونعم بالله، بس انا بحب احمد اوى اوى يانهلة وخايفة لو اتخرج السنادى ومتقدمش رسمى بابا يمنعنى اكلمة او اشوفة
نهلة بههدوء : مفيهاش حاجة يعنى لو بباكى منعك تكلمية مهما كان دة ولدك وبيخاف عليكى ويمكن لما يعمل كدة احمد ياخد خطوة جد ف علاقتكم ويتقدم
اميرة بعصبية : انتى بتقولى اية يانهلة يعنى هو مش واخد الموضوع جد
نهلة : مش قصدى والله يا ميرو خلاص ياستى ماضيقيش نفسك باذن الله كل حاجة هتتحل
واثناء محادثتهم جائت المس وبدئت شرح الدرس
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
************************************
(ف منزل عائلة احمد)
_ام اميرة الف الف مبروك ياام حسام ربنا يتمملكم ع خير
_ام حسام حببتى ياام اميرة الله يبارك فيكى عبال اميرة واحمد يارب مانفرح بيهم
_ام اميرة يارب ياحببتى يارب يسمع منك ربنا
الى قوليلى ياختى حسام هينزل امتى من السفر ع كدة
_ام حسام ان شاء الله قبل الفرح بااسبوع احنا رتبنا كل حاجة وادينا جبنا العفش وفرشنا الشقة الى فوقينا وهو هينزل ع الفرح على طول
ام اميرة بفرحة : ربنا يجيبة بسلامة ويتملو ع خير يارب حسام ابن حلال و يستاهل كل خير
_ام حسام عندك حق والله يااختى بس بينى وبينك كدة كان نفسي لة ف عروسة زى اميرة كدة بنت حلال ودمها خفيف وطيبة مش اللى هو اختارها دى رفعلنا مناخيرها ف السما وكل حاجة بتتشرط عليها تقولشى بنت بارم ديلة
_ ام اميرة معلش ياختى ربنا يهديها ويهدى سرهم سوا وطلما هو الى اختارها يبقى مبسوط بيها،
اما اقوم انا بقا الحق احضر الغداء للحج راضى والبنات قبل مايرجعو من برة
ام حسام طب ماتخليكى قاعدة معايا ونبعت نجيبهم ونتغدى كلنا سواى
_ام اميرة معلش مرة تانية بقا
_ام حسام ماشى ياستى براحتك
_ام اميرة يلا سلام عليكم.
وتركتها وذهبت اللى شقتهم .
يارب اول بارت يكون عجبكم ومتنسوش تقولولى رايكم في ايه
#انت_نصيبى_وقسمتى
#اسراء_جمال
