خطايا داخل الجنه الفصل الثامن و العشرون بقلم الكاتبه فريده الحلواني

خطايا داخل الجنه

الفصل الثامن و العشرون

بقلم الكاتبه فريده الحلواني

صباحك بيضحك يا قلب فريده

عوض ربنا جاي مهما أتأخر...اول ما تلاقي الهم زاد و حاسة انك عاجزه و مش قادره تتنفسي

قولي يا رب الشيلة تقيله عليا ...هيشيل عنك و هيجبرك

هيعوض صبرك خير و رحمه و جبر هتبكي من جماله انا واثقه

و بحبك

الجميع ينظر لوجه الطبيبة المرتبك بلهفه و خوف

و سؤال واحد صدر منهم ...طمنينا البت مالها

نظرت إلي فؤاد و قالت بتوجس : ممكن نتكلم في المكتب

قبل أن يسألها عن السبب صرخت هويدا برعب: بتي مالها...طمنيني الهي يسترك

أمسكها ربيع بحنو و قال : اهدي أن شاء الله خير ...روح يابني شوف في ايه و طمنا

فاق فؤاد من حاله التيه التي تملكت منه و تحرك بجسد ثقيل تجاه الغرفة المقابلة لهم

أغلقت الباب ونظرت له بخوف فصرخ بجنون : انتي هتاخديلي كام صوره ..ما تنطقي مراتي مالها

ابتلعت لعابها بوجل ثم قالت : اهدي حضرتك لان الموضوع حساس و لازم تتصرف بحكمه

وقع قلبه في قدميه من شده الرعب بعد سماع تلك الكلمات

سألها بتوسل : الله يخليكي قولي في ايه قلبي هيقف من الرعب

تنهدت بهم ثم قالت : ربنا أمر بالستر ...و واضح انك بتحبها بجنون يا ريت حبك ليها يكون سبب انك متفضحهاش

صاح بنفاذ صبر : انا مش فاهم حاجه ما تنطقي فضيحه ايه و ستر ااااايه

نطقت سريعا بخوف : جنه حامل

و فقط ....احتل الصمت أرجاء المكان

هو يحاول استيعاب ما سمعه من تلك المختلة ...و هي تترقب بقلق رده فعله

ضيق عيناه و قال بصدمه و عدم تصديق : مين الي حامل ..مش فاهم

ردت بتوجس : جنه ...حامل في اسبوع

هنا ...ظل صدي الكلمة يتردد داخل عقله ...جنه حامل ..في اسبوع

و في خضم محاوله استيعابه للأمر تداخل صوتها و هي تقول : استر عليها ع....

قاطعها بجنون حتي انه لم يلتفت الي خبر حملها: استر علي مين يا بنت الكلب انتي ...جنه دي أشرف منك و من الي خلفوكي دي بنتي الي مربيها علي ايدي

دي مبتطلعش من البيت غير معايا ...انتي اتجنيتي يا وليه يا مخبوله انتي

و حتي لو هتبات بره لوحدها في وسط مليون راجل ...هكون واثق أنها ارجل منهم

دافعت عن حالها سريعا : اهدي بس انا مقصدش و الله ....حاله حضرتك تقريبا كانت شبه مستحيلة حتي لو عملنا حقن مجهري ...اي حد مكاني كان هيخاف من تفكيرك او من الموقف ككل

رد عليها بقوه : في حاجه اسمها ربنا ...بندعيلو و بيعمل المعجزات ...بس دي مدرستوهاش في الطب يا دكتوره ...منك لله يا شيخه ضيعتي فرحتي الي مش مصدقها

كادت أن ترد عليه الا انه قاطعها و تكمل باستفهام: الي عايز افهمه ....احنا كنا عندك من عشر ايام كشفتي عليها و قولتي أن فتره التبويض هتبدا كمان يومين صح كده

هنا رأسها بموافقه فاكمل : و قولتي أن طول الايام دي هتفضل تاخد في منشطات و انا هاخد علاجي عشان تضمني أكبر عدد من البويضات و الحيوانات المنوية صح

و علي أساسه حددتي المعاد الي هو كمان كام يوم تكون فتره التبويض خلصت و بيت جاهزه للعمليه صح

ردت عليه بعمليه : أيوه فعلا ده حصل و طبعا الفترة دي مفيش مكنش في أي اشعه و تحاليل ...انا اسفه

ابتسمت و أكملت: تقريبا جرعه المنشطات اشتغلت بشكل أسرع من الي حسبته و البويضات نزلت قبل الميعاد المحدد

و بعدين اصلا كان في ميعاد بكره عشان اتابع التبويض وصل لحد فين ...بس المعجزة حصلت ...مبارك عليكم

دمعت عيناه و قال بخوف : طب هي ليه بطنها وجعاها و ليه اغمي عليها ...طب هي فاقت

ردت عليه برفق : تقريبا عملت مجهود زياده و ده لأنها مكنتش تعرف بالحمل ...شكلها وقعت أو شالت حاجه تقيله فكانت هتسقط بس الحمد لله لحقتها و ادتها حقن تثبيت

ضرب علي جبينه و قال بغضب : غبي ...انا غبي انا السبب

ابتسمت و قالت : انت مكنتش تعرف هون علي نفسك و احمد ربنا ...اهم حاجه التلت شهور الجايين مفيش حركه و لا مجهود ...أحم ..و لا علاقه لحد ما الحمل يثبت

تركها ...كل ما فعله هو الهرولة تجاه الخارج دون أن يهتم بدموعه التي سالت علي وجهه أمام الجميع

نظروا له برعب و لحقو به حينما اقتحم الغرفه الراقده داخلها جنته

وجدها تبدأ في استعاده وعيها ....جلس جانبها و قام بسحبها ليحتضنها و يبكي بقوه

كل من حوله يسألوه ماذا حدث ...ماذا أصابها

و هو يبكي و يبكي و لا يقوي علي الرد

الا حينما سمعها تهمس بإرهاق : مالك يا حبيبي ...في ايه ...دارت بعيناها كي تري اين هي ثم أكملت: احنا فين...ايه الي حصل

صرخ ابيه بخوف : يابني ما تقولنا في ايه قلبنا هيقف البت مالها

ابعدها برفق ...نظر لها من بين دموعه و قال بصوت مختنق و عدم تصديق : انتي حامل يا جنه

صدمه احتلتهم....كيف هذا و هي عاقر

الا ان صباح أطلقت زغروته عاليه ثم قالت بفرحه عارمه : ياما انت كريم يا رب ...مفيش حاجه بعيد عن ربنا

تطلعت له بصدمه و قالت بعدم تصديق و خوف أيضا من سوء ظنه: طب ازاي...فؤاد قولي الصراحه قلبي هيقف ...اقسم بالله عمري ما خو....

وضع كفه فوق فمها و قال بصدق و يقين : اااخرسي ...اوعي تنطقها ....انتي مجنونه

انا اشك فيكي استحاله

سألته هويدا بوجل و عدم فهم : ايه الكلام ده يابني ...انا مش فاهمه حاجه...انتو عاملين كده ليه

بينما كانت جنه تبكي فرحا بثقته فيها أكثر من حملها

نظر لهم جميعا و قال باعتراف أراد أن يقر به منذ زمن و لكنها كانت تمنعه دائما : الي فيها أن أنا الي مش بخلف ياما ...انا الي عندي مشاكل خلت نسبه الخلفه عندي معدومه تقريبا

شهقت النساء بينما بكي ربيع حزنا علي ولده البكري

و هي صاحت بإرهاق : فؤاد

بينما اكمل هو ببكاء : اتعذبت و عذبتها معايا عشان تبعد عني و مظلمهاش

كل ما اوجعها تمسك فيا و داوي وجعي الي كان اضعاف لان بأيدي ببعدها

و لما ضعفت و قولتلها الحقيقه مسكت ايدي و تبتت فيها ...قالتلي انت عندي بالدنيا

شهق بخنقه و هو يكمل : عافرت و تعبت لحد ما اتقفل علينا باب

و فالأخر قالت أن هي عقيمه عشان متكسرش قدام حد

اتحملت ادويه و شكشكت الابر شهر بحاله عشان بس محاوله احتمال نجاحها ميجيش خمسه في الميه

انا حالتي ميؤوس منها لدرجه ان الدكتوره فكرت أني هتهمها بالخيانه

نظر لها و اكمل من بين دموعه الغزيرة: متعرفش انها بنتي ...متعرفش اني بثق فيها اكتر من نفسي

متعرفش أن الحمل ده حصل بسبب بكاها طول الليل و هي ساجده و بتقول يا رب فرح قلبه يا رب اجبره بحتت عيل ..انا بدعي لك عشانه مش عشاني

متعرفش أن الي حصل ده مكافئة ربنا لصبرها و حبها الي ملوش حدود

الجميع يبكي حتي إخوته و رجب ...اما ربيع كان يشهق كالأطفال حزنا علي ولده و فرحا بعوض الله له

تحدثت هويدا بصعوبه من بين شهقاتها المرتفعة : كل ده اتحملتيه لوحدك من غير ما تقولي لامك ..طب ليه يا بنتي ..دانا طول عمري مصحباكم و بعتبركم اخواتي مش بناتي

اخذت تمسح دموع حبيبها و هي تقول ببكاء : عشان هو نفسي ...فؤاد دقه قلبي الي بتتحس مش بتتشاف

وجعه بيدبحني ...كنت بشوف عذابه و هو مش قادر بيوجعني

لسانه بيقول ابعدي و عينه بتقولي متسبنيش

تدخلت صباح رغم بكائها و قالت : خلاص بقي مش مهم أي حاجه يا جدعان ...المهم ان ربنا جبر بخاطرهم و راضاهم علي صبرهم

نظر لها بعشق و قال دون خجل : عيشتيني في الجنه و نعيمها

ابتسمت بحب و قالت : عشان انت قلبك و روحك طيبه مكنتش شيطان أبدا يا حبيبي

لولا ...بت يا لولو

هكذا كان يصيح يوسف علي لميس بعد منتصف الليل

ردت عليه بنزق : خير يا جو ...عارف لو قولت جعان انت حر

ابتسم بسماجه ثم قال: الله ينور عليكي ...فهمانه يا حبيبه جو

خليكي جدعه بقي و اعمليلي اكل عشان شروق دخلت المحراب و هتنفوخني لو خبط عليها

ضحكت بهدوء ثم قالت : الصراحة عندها حق ...انت كأنك مستقصدها كل ما تدخل تصلي القيام أو تقرأ قران لازم تقاطعها

رد ببرود: اعمل ايه يعني اقول لمعدتي استني لما الشيخة تخلص لف زراعه حول كتفها و بدأ يتحرك تجاه المطبخ و هو يقول : بالك انت يا لولو ...احسن حاجه أن الواحد يبقي عنده اخت...ليييه

نظرت له بغيظ ثم قالت : عشان لما يجوع تملي كرشه

ضحك بخفه ثم دفعها للداخل و هو يقول : نبيهه يا بت .. يلا بقي اخلصي جعان يا جدعااان حرام عليكم

قبل أن ترد عليه وجدت شريف الذي تابع ما يحدث

اقترب منهم و قال بجديه ذائفه: ايه الي بتقوله ده يا يوسف متبقاش غبي كده و تتعبها معاك

كادت أن ترد عليه بفرحه الا ان ابتسامتها قتلت في مهدها حينما اكمل : بالله اعملي حسابي معاكم

وضعت يدها فوق خصرها و قالت بغيظ : هو ده الكبير الي هينصفني...انتو استغلاليين علي فكره

في لحظه كان يوسف يرش عليها بعض الطحين الذي كان وضعه مسبقا قبل أن يذهب لها

شهقت بفزع بينما هو يقول : ياما اخلصي عصافير بطني بتهوهو

تطلعت له بغضب ثم أمسكت حفنه كبيره و قذفتها علي اخويها الاثنان

مثل شريف الغضب و قام بسكب كوب ماء فوقها و من هنا دارت حرب الطحين و الماء بين الثلاث أخوه

و التي كانت من تدبير يوسف كي يري ضحكاتها السعيدة و يشعرها انهم يحبونها حقا ...و ايضا يحاول تعويضها عما عاشته في السابق

ملأت ضحكاتهم أرجاء المكان لأول مره بكل تلك السعادة

وقفت شروق بعيدا تتابع ما يحدث بفرحه و عيون دامعه

اخيرا ولديها عاشوا السعادة التي كانت تدعي لهم بها دوما

مثلت التجهم و قالت بعد أن وصلت قبالتهم: أااايه ده ...انتو اتجننتو

وقف الثلاثة في نفس الوقت كل منهم يشير الي الآخر و يتهمه انه هو من فعل كل ذلك

ابتسمت بشماته ثم قالت بأمر لا يقبل النقاش : ضحكتو و هزرتم و اتبسطم يا قلب امكم

رفعت صوتها و هي تكمل بحده : عايزه المطبخ يلمع زي ما كان ...و اياك لما اصحي الاقي فيه حاجه...و فقط تركتهم و غادرت بتشفي

بينما نظرو لبعضهم البعض بغيظ و قال شريف : يا خساره هيبه الكبير ...افكارك سوده طول عمرك يا زفت

رد عليه يوسف بغيظ و غموض : انا مني لله ...الشهامة قتلتني يكش كانت تولع

لميس بغيظ : شهامة ايه دي و انت السبب فكل ده

عبث في خصلاتها المتسخة و قال بغيظ : طب اخلصي بقي يا حلوه عشان شروق متطلعش تنفوخنا

صعد بها الي الأعلى و هو يحملها برفق

فرحتهم كانت عارمه ...و هي كل ما تفعله تلهث بالحمد و الشكر لرب العالمين

وضعها فوق الفراش برفق

تحدثت هويدا بغيظ من صلابه راسه : يابني ما كنت سمعت كلامي و دخلتها عندي ط

علي ايه كل يوم تنزل و تطلع بيها

رد عليها بإقرار: و مين قالك انها هتنزل تحت و لا هتتحرك من مكانها

صباح : يعني هتتحبس لوحدها يابني و ده ينفع

رد ببرود: لا مانا هقعد معاها و انتو الي عايز يطمن عليها يطلع عادي

سأله أحمد بغيظ مازح : و الشغل يا حبيب اخوك

ابتسم بسماجه ثم قال : اجازه لحد ما تولد يا قلب اخوك

برقت عين أحمد بصدمه بينما قال ربيع بغيظ مازح : الدكتوره قالت تلت شهور مش تسعه يابن الكلب ...انت مصدقت تبلط فالخط و لا ايه

ضمها تحت كتفه و قال : حقي يابا ...شالتني كتير ...جه الوقت الي اشيلها فيه ...و اهو بردو الواحد ياخدلو يومين راحه

تدخلت صباح و قالت بخبث : انت ماخدتش بالك أن الدكتوره قالت راحه تامه تلت شهور ...هااااا يعني مفيش حاجه خالص انت فاهم طبعا يا فؤش

رد عليها بوقاحه : ماهو عشان كده قولت اجازه لحد ما تولد ...عشان اعوضهم بقي

وضعت يدها فوق وجهها من شده الخجل

بينما قال ربيع و هو ينوي المغادره : يلا بينا يا جدعان ...اتفووو عالي رباك

ضحك الجميع بسعاده بينما احتضن عمار اخيه و قال برجوله : خد راحتك يا معلم و متشلش هم حاجه ...انا هاخد اجازه من الشغل و اشيل الدنيا مع احمد

قالت اميره بفرحه : يا جماعه ماحنا معاها ...الوقت الي هيروح فيه المصنع احنا نقعد جنبها لحد ما ترجع

ضم أحمد خصرها و قال بغلب : انتي عايزه الي يقعد جنبك ياما ...اهدي كده و قولي هديت

دمعت عيناها و قالت : انت زهقت مني

جز علي أسنانه غيظا من حاله و قال سريعا : لا يمكن طبعا دانتي حببتي يا ميرو

انهي فؤاد ذلك النقاش و قال بجديه : انا هتابع معاكم كل يوم من البيت و لو في حاجه مهمه ابقي اروح الشغل و الجماعه يفضلو معاها لحد ما ارجع ..محلوله باذن الله

بعد مرور اسبوع ....وقف عمار أمام مبنى وزاره الداخلية

ينظر بتصميم تجاهه...فقد قرر أن يذهب لسالم مره اخري و يحاول إقناعه كي يوافق علي زواجه من ابنته التي يعشقها

وقف أمامه بعدما دلف الي المكتب

سأله سالم بهدوء : اخدت اجازه ليه يا عمار ...سنه بحالها

رد عليه بهدوء : فؤش مش هيقدر يروح المصنع زي مانت عارف و مش هينفع أحمد يشيل الليلة لوحده

رد عليه يترقب: و مالو ...جدع ياض اخواتك بردو و واجب تكون جنبه وقت الزنقه

تغاضي عن كل تلك الأحاديث التي لا جدوي لها و قال بتصميم : انا عايز اتجوز بنتك

نظر له سالم بغيظ ...لم يهتم و اكمل : يا عمي ...اقسم لك بالله هعيشها ملكه

هعملها الشقه كأنها فيلا ...مش هتحس بفرق بين هنا و هناك

رد عليه بغضب : انت اهبل ياض ...بردو في حاره

انت عارف أني مش معترض عليك

و احترمت ولائك لابوك