روايه عشق السيف الفصل الاول بقلم دنيا مختار
روايه عشق السيف الفصل الاول بقلم دنيا مختار
روايه عشق السيف
الفصل الاول
بقلم دنيا مختار
الحياة ساعات بتكون قاسية بتخلينا نفكر هي لية معانا بالشكل دا تاخد منا حاجات تدمرنا وتخلينا نفكر ونتحطم وبعدهاا بنتعوض بالي خير ليناا وذي ما الحياة مرة وحلوة برضو سهلة وصعبة موقفها مش بتخلص ودروسهاا كتير اوي بتخلينا نتعلم ونفهم ونعرف مين كويس ومين وحش.....
ف احدي الاحياء الشعبية كانت تقف تلك الفتاة ف غرفتها وهي تبكي بشدة فبعد موت والدتها وهي حزينة كانت بنتظار والدها ف اليوم يوم زواج والدها من سيدة لديها بنتين وحدة تسمي نورهان والثانية تسمي رحمة ....
عشق بحزن: مبروك يا بابا
اسامة : اللة يبارك فيكي يا قلب بابا
مني زوجة ولدها : يا عسل ماشاء الله هي دي عشق بقا تعالي يا حبيبتي ف حضني انا النهاردة بقا عندي تالت بنات
عشق : شكرا يا طنط
مني : يا حبيبتي بلاش طنط انا ماما
عشق : اسفة يا طنط بس ماما ماتت مش هقول لحد ماما غيرها
اسامة : عيب كدة يا عشق
مني: سيبها برحتها يا اسامة تعالي يا حبيبتي اعرفك ع اخواتك دي رحمة ودي نورهان .
ثانية واحدة💙
عشق : بنوتة جميلة ف تالتة ثانوي بتحب الخير لكل الناس وشطرة جدا ف درستها نفسها تكون دكتورة زي ما مامتها كانت عاوزة .
............................................................
اسامة: ولد عشق يحبها بشدة وتزوج بعد نصيحت صحابة عشان عشق يعمل محاسب ف البنك
.................................................................
مني : زوجة الاب قاسية ف تعاملها مع عشق بتغير منها من كتر كلام نورهان عنها وغيرتها وكان نفسها تتدمر عشق وجت الفرصة ليها
...................................................................
رحمة: اسم ع مسمة بنوتة طيبة جدا مخالصة كلية تربية
......................................................................
نورهان : بنت متكبرة جدا بتكرة عشق من زمان وبتغير منها
...................................................................
عائشة: صاحبة عشق بتحبها جامد وجيران الباب ف الباب
..................................................................
باقي الشخصيات مع الاحداث بقا
بعد مرور شهر ع جواز والدها ...
مني : عشق انتي يا بت اصحي روقي البيت دة
عشق: يا طنط انا عاوزة اذكر الامتحان كمان اسبوعين وانا ثانوية عامة
مني بغيظ: يعني هتجيبي اي يعني طب هههه
عشق : ان شاء الله يا طنط
رحمة: خلاص يا ماما انا هعمل البيت سبيها تذاكر
مني: وهي المذاكرة هتعملها اي هتقعدها جمبي زيك كدة الل قدك معاة عيال وانتي قاعدة يا شيخة اتنيلي .
رحمة بحزن: دي نصيب يا ماما عن اذنك
نورهان : بس بقا انا مش عارف انام
مني : معلش يا حبيبتي انا عارفة انك طول الليل قاعدة تذاكري حبيبت امها هتجبلي كلية قمة
نورهان: عندك حق يا مامتي بجد عاوزة انام
...................................................................
عشق: خلاص يا رحمة بطلي عياط معلش
رحمة بحزن: يعني هو بإيدي ان انا متجوزتش لحد دلوقتي دي نصيب اعمل اي يعني انا بجد تعبت
عشق وهي بتخدها ف حضنها:بكرة باذن اللة هيجيلك واحد كويس انتي اصلا بنت طيبة وهيجيلك حد زيك
رحمة: بجد انتي احسن حاجة ف دنيتي ربنا يخليكي ليا يلا روحي ذاكري وانا هخلص كل حاجة يلا يا دكتورة .
..................................................................
بعد انتهاء فترة الامتحان ف انتظار النتيجة
اسامة : اي يا عشق مفيش اخبار عن النتيجة
عشق: هما بيقولو انها هتبان النهاردة يابابا
تليفون عشق يرن
عشق: الو سلامة عليكم
عائشة: وعليكم السلام اخبار النتيجة اي
عشق: هي ظهرت انا لسة مجبتهاش
عائشة: يا بنتي ظهرت وانا جبتها الحمد لله جبت ٩٨٪
عشق: بجد مبروك يا عائشة ولا يا بشمهندسة طب هروح اجبها وارد عليكي تاني
عائشة: ماشي ابقي طمنيني
عشق: بابا النتيجة ظهرت
اسامة بلهفة:طب يلا هتيها
عشق بفرحة انا نجحت جبت٩٩٪ يا بابا
اسامة بفرح: مبروك يا دكتورة مبروك
مني : اي ف اي
اسامة : عشق نجحت جابت ٩٩٪
مني : اي بجد طب نورهان عملت اي
عشق: انا مش معايا رقم الجلوس بتاعها
مني :استني هو هنا اهوو
عشق:يا خبر دي جابت ٧٠٪
مني:اي انتي بتقولي اي
مني:اصحي يا ختي اصحي يا موكوسة جبتي ٧٠٪ياختي ودل هتتدخلي بيهم اي
نورهان: اي انتي بتقولي كام
بعد مرور يومين ع النتيجة ف غرفة مني
نورهان: ماما انا مش هدخل تجارة وهي تتدخل طب
دي عمرة ما يحصل يا ماما عشان خطري اتصرفي
مني بتفكير:طب استني وهنشوف احنا هنعمل اي
ف المساء
مني :بقولك اي يا اسامة هو انت هتدخل عشق طب بجد
اسامة:ايوة ان شاء الله لية
مني : اصل المصاريف هتكون كتير عليك يعني وبعدين البنت ملهاش غير بيت جوزها
اسامة :لا انا هدخلها طب دي وصية امها الله يرحمها
مني ف سرها :ماشي انا هوريك انت وبنتك
.................................................................
يتابع
