📁 آخر الأخبار

روايه الراهب الفصل الحادي عشر بقلم الكاتبه فريده الحلواني

 روايه الراهب الفصل الحادي عشر بقلم الكاتبه فريده الحلواني 

روايه الراهب الفصل الحادي عشر بقلم الكاتبه فريده الحلواني

روايه الراهب الفصل الحادي عشر بقلم الكاتبه فريده الحلواني

روايه الراهب

الفصل الحادي عشر 

فريده الحلواني 


الفصل الحادي عشر

$$$$$$$$$$$$$$


بقلمي / فريده الحلواني 


بعد أن انتهت تلك الوجبة الكارثية 

خرج الرجال إلى أعمالهم بينما انتشرت النساء كلُ منهم إلى سبيلها 

إلا إيمان تلك الحزينة التي جلست شاردة على إحدى الأرائك 

لاحظتها وفاء والتي كانت في طريقها إلى الحديقة كي تتفقد أطفالها الذين يلعبون بالخارج 

اتجهت لها ثم جلست جانبها و قالت بحنو : مالك يا خيتي بجالك كام يوم شاردة و راكبك الهم 

هي غراب البين دي نكدت عليكي تاني و لا ايه 

نظرت لها بحزن ثم قالت بشرود : لاااه اتعودت عليها خلاص يا وفاء كيف ما بيجولوا اكده جتتي نحست منيهم 


سألتها باهتمام : امال مالك طيب ...متخانجة ويا جوزك 

تطلعت لها بحيرة ثم قالت : هو العيب فينا و لا فيهم 

نظرت لها بعدم فهم فأكملت بهم : هو جوزك عامل ايه وياكي ...لما تكونوا لحالكم جصدي هيجلعك كيف الحريم و لا هياخد غرضه منيكي و يهملك كيف البهيمة 


رغم حزنها الداخلي إلا أنها وكزتها بخفة و قالت بمزاح: واااه الملافظ سعد يا مشندلة انتي 

ردت عليها بجدية: هتحدت جد يا وفاء جوليلي لجل ما اعرف إذا كان العيب فيا و لا كلياتنا اكده 


تنهدت بهم ثم قالت : لاااه يا خيتي كلياتنا اكده...مفيش واحدة فينا أمها خبرتها تعمل ايه ويا جوزها ...جال عيب و هيختشوا 

ياخدوا الواحدة منينا كيف البهيمة يرموها في حضن جوزها من غير ما تعريف ايه الي داخلة عليه 

و رجالتنا محداهمش جلع الحريم و لا حتى يسألوا رايده ايه كل واحد فيهم هيفط فوج الواحدة يريح حاله و يهملها من غير حتى ما يبص في خلجتها 


إيمان : امال محمد واد عمي مش زييهم ليه ...و متجوليش مترباش اهنيه ...بردك ديه شيخ و عمره ما نضر مرة في حياته و على حسب ما سمعت كان عايش في بلد أرياف يعني مش من الحضر لجل ما نجولوا تربيته غيرنا 

شوفتي النهاردة عيمل وياها ايه جدام الكل ...ديه غير الي بيعملوا وياها في الليل 

قطبت جبينها و قالت بعدم فهم : و انتي ايش دراكي بيحصول بيناتهم ايه في الليل كتي وياهم ولا ايه 


تطلعت لها بخوف ثم قالت بتوجس : أجولك بس تحلفي بعيالك الي هتسمعيه يضل سر بيناتنا منجصاش رط و مرار منيهم 


أولتها اهتمامها بالكامل و هي تقول : عمرك جولتيلي حاجه و سمعتيها من حدا في الدار 

ردت بنفي : لا و الله أبدا 

أكملت بفضول: يبجى جولي إيه الي سمعتيه و مشندل حالك اكده 


إيمان بصوت خفيض: المغدورة وجيدة من يوم ما جعدوا اهنيه و هي كل يوم في الليل تتسحب و توجف تتصنت عليهم 


ضربت وفاء على صدرها و هي تقول بغضب : وااااه...هي حصلت لاكده الفاجرة 

أمسكت يدها سريعا و قالت : أبوس يدك متفضحيناش ...خلاص مهجولش حاجه و كنك مسمعتيش شي 

وفاء بغيظ: بعد ما ولعتي في جلبي ...أني من غيظي عميلت اكده 

فكرك معملتهاش ويانا احنا كماني 


لوت فمها و قالت بهم : و احنا حدانا ايه تسمعه يا حزينة ...دي هتجولك بسمله بتبجى و لا الغوازي ولا الشيخ أبو دجن بتجولك الي هيجولوا و يعملوا ميصدجوش عاجل واصل 


سألتها باهتمام شديد : ليه ...هيعمل ايه اكتر م الي الرجالة بتعمله و لا هيجول ايه حتى 


إيمان : صدجي بالله أني يام أربع عيال استحي انطج حرف من الي الحزينة هتجوله انها سمعته 


حل الصمت للحظات ثم قالت وفاء بحماس : طب ايه رأيك نطلع نتحدت وياها يمكن تعلمنا حاجه تعدل حالنا المشندل ديه و لا تخلي رجالتنا يتعدلوا ويانا 


شهقت ايمان بفزع ثم قالت : وااااه كنك اتخبلتي يا واكله ناسك 

رايدانا نجولها علمينا الي بتعمليه ويا جوزك 


سحبتها من يدها لتجبرها على الوقوف و هي تقول : ليه شيفاني مخربطة و لا ايه تعالي بس و ملكيش صالح أني هعرف كيف اتحدت وياها و اسحب منيها الحديت سحب 

*****


جلس الراهب مع جده و أعمامه وسط أرضهم الزراعية الواسعة 

بدأ الجد الحديث قائلا : ناوي على إيه يا ولد الغالي ...رايد نتصلوا بكبارات البلد لجل ما يعجدوا جعدة صلح بيناتنا و لا ايه الي في نافوخك 


رد عليه برزانة : لا يا جدي أنا هروحلهم لحد بيتهم 

انتفض رمضان قائلا بغضب : أجتلك يوم ما تفكر تعملها يا واكل ناسك ...رايد تحط راسنا في الطين 


تدخل أشرف سريعا كي يهدئ الموقف : اصبر يابوي و اسمعه للآخر 

أكيد مهيرضاش لينا العار 


الجد بغضب : حط بلغه في خاشمك و اسمع للآخر يا إما تغور من اهنيه 


وقف بغل ناويا الرحيل و هو يقول : هغور يابوي ما هو ولد الغالي الي فضلته علينا كلياتنا و فالآخر هملك في النار و هرب لجل ما ينفد بروحه و روح ولده 


نظر لمحمد بغل ثم أكمل : لو خطيت عتبة دار وهدان لا انت ابن اخوي و لا رايد اعرفك 


نظر إلى محروس ثم أكمل : جاعد تكمل المسخرة دي و لا جاي وياي 


صمت محروس الذي اختار كفة الراهب لتأكده من ربحها مما جعل رمضان يشتعل غضبا و يتركهم ليرحل وحده و هو يتوعدهم بالدمار 


لم يهتم أحدهم بما حدث 

بينما قال محمد بتعقل : روحتنا ليهم يا جدي هتجيب الحج عليهم 

لو رفضوا الصلح الناس هتغلطهم و الكل هيبجى في صفنا 

ثج فيا يا جدي أني عمري ما اجل منك و لا اصغر أهلي مهما كان السبب 


ظلوا يتباحثون الأمر فيما بينهم إلى أن تمت الموافقة بالإجماع على رأي الراهب و الذي قرر أن ينفذه في الحال 

*****


بعد أن طرقت وفاء الباب و أخبرتها أنهم بالخارج 

ارتدت روب ثقيل لتواري جسدها الظاهر بسخاء أسفل قميصها الشفاف 

فتحت لهم و هي خلف الباب قائلة ببشاشة: اتفضلوا ...أهلا و سهلا ده إيه النور ده


وقفت الاثنتان بفاه منفرج تنظران بصدمة لتلك الحورية التي تقف مبتسمة أمامهم بعد أن أغلقت الباب 

إيمان بذهول : بسم الله ما شاء الله ليه حج واد عمي يغطيكي من ساسك لراسك 

ملست وفاء على شعرها الطويل و هي تقول بإعجاب شديد : الله أكبر خمسه في عيني ...هتحطي ايه في شعرك يا بت لجل ما يبجى طويل و حرير اكده 


ضحكت بهدوء ثم قالت بود : تعالوا تقعدوا بس و انا أقولك الخلطة الي بعملها عشان يطول 


جلسن ثلاثتهم فوق الأريكة و بدأت إيمان الحديث دون وعي أو ترتيب : هو انتي لساتك متجوزة جبل ما تاجي اهنيه 

زوت بين حاجبيها و قالت باستغراب : لا ...أنا متجوزة بقالي كام شهر بتسألي ليه 


ردت عليها بفضول : أصلك شبه العرايس يوم صباحيتهم يمكن أحلى كماني 


ضحكت مرة أخرى و ردت بتعقل : هو لازم أبقى لسه عروسه عشان اهتم بنفسي و استنى جوزي بشكل يعجبه 

وفاء : ديه الي اتعودنا عليه يا خيتي الواحدة منينا أدام بجت على ذمة راجل يبجى خلاص كل شغلتها في الدنيا البيت و الغيط و العيال 

بسمله: طبعا غلط ...و لما يبص لغيرك استغفر الله يبقى مين الغلطان 

طول ما الست بتهتم بنفسها و بترضي جوزها هتعيش في سعادة و راحة بال 

و أكيد هو كمان هيكون مبسوط من اهتمامها بيه و يعمل الي يقدر عليه عشان يسعدها 


سألتها إيمان باندفاع : أهو احنا جينالك لجل اكده ...ايه الي بتعمليه مخلي جوزك الله أكبر مهينزلش عينه من عليكي و هيحب فيكي جدام الكل من غير خشى 


نظرت لها بتمعن ثم أكملت: و لو إن يعني أهه الجواب باين من عنوانه ...شوفنا بعينا و الي متخبي تحت الروب أكيد هيجننه 


احمر وجهها خجلا و قالت بهدوء و حكمة : ده حلالي مفيش حاجه بيني و بينه عيب أو حرام 

بدل ما يبص أو يتمتع في الحرام أمتعه أنا 

و أنا بدل ما اشتكي من اهماله ليا أو إنه مش عارف الي بيريحني و لا فهمه 

أنا بكون ليه أجمل ست في الدنيا زوجة و صاحبة و كل حاجة ...

الي بيحبه بعمله و الي بلاحظ في مرة أنه اتبسط من حاجه معينه بكررها دايما 

لما أكون عايزه حاجه بطلبها من غير كسوف ..أصل لو مطلبتش من جوزي هطلب من مين يعني 


شهقت وفاء ثم قالت بصدمة : واااه يا حزني ...يعني لو في يوم حسيت إني رايداه أروح أجوله تعالى ...يا مري يا مري 


ضحكت بسمله ثم قالت بمزاح : لا يا روحي متقوليلوش و خلي واحدة تانية تخطفه منك 

برقت عيناها بصدمة فأكملت بجدية : ده شرع ربنا زي ما حلله للرجالة 

حلله للست ...المشكلة إن الناس بقت تفكر في العيب و الي يصح 

إنما شالت من دماغها الحلال و الحرام 

حطت في دماغها إن الملايكة بتلعن الست الي جوزها يطلبها و تقوله لأ 

و محدش قال حساب الراجل إيه عند ربنا لما مراته تكون عايزاه و يرفض 

معظم العيب الي اتربيتوا عليه هو حلال عند ربنا 

يبقى من باب أولى تعملي الحلال و لا تبعدي عن العيب الي أصلا مش عيب أدام بابك مقفول عليكي 

نظرت لها إيمان بأمل ثم قالت بلهفة : أحب على يدك يا خيتي جوليلي اعمل إيه ويا جوزي لجل ما اخليه يعشجني و لا يستغناش عني 

أني بحبه جوي بس العيشة بيناتنا باردة مفيهاش روح ...مش هستحي منيكي و أني بجولك نفسي يطلع علي كيف ما جوزك اطلع عليكي جدامنا الله أكبر خمسه في عيني ...أني مهحسدش و الله 


سمت الله و حوقلت بداخلها ثم قالت ببشاشة : ربنا يصلحلك الحال يا حبيبتي ...هقولك تعملي إيه بس تسمعي كلامي ماشي 

تدخلت وفاء بلهفة : و أني كماني إلهي تتستري و يرزجك بالخلف الصالح جادر يا كريم 

ابتسمت و هي تؤمن على دعائها ثم قالت : حاضر هقولكم 

*****


وااااه...هتجول مين يا واكل ناسك 

هكذا سأل وهدان بعدم تصديق حينما أخبره ابنه شيخون أن عائلة الهواري أتوا إليهم و منتظرين في قاعة استقبال الضيوف 

رد عليه ولده بتأكيد : و الله يابوي زي ما بجولك اكده ...جابر الهواري بذات نفسه جاعد في المنضره ويا محروس ولده و أشرف وولد عبد الحكيم 


هرول نحو الخارج و بمجرد أن وصل إلى الباب ...رسم الجدية و الهيبة على محياه ثم دلف عليهم و هو يقول : يا مرحب بالرجالة ...خطوة عزيزة و مش محسوبة واصل 


نظر إليه جابر دون أن يتحرك من مجلسه و قال بوقار و قوة : مهاتجيش غير من الجوي يا وهدان 

اجعد لجل ما تسمع الكلمتين الي حدانا 

جز الآخر على أسنانه بغل ظاهر للعيان 

فأكمل الآخر بحكمة : من جيه دارك جاب الحج عليك ...خلي ديه جوات عجلك لجل ما تعجل الحديت الي هجوله 


جلس وهدان يجاوره ولده شيخون معهم جلال 

تحدث الأول بغل مكتوم : أني حدايا عجل هيوزن بلد يا حج جابر ....جول الي عنديك و أني سامع أهه 


نظر إلى حفيده الغالي ثم قال بفخر: ولد الغالي هو الي هيتحدت و الي هيجوله سيف على رجابينا كلياتنا 


صدم ثلاثتهم مما قيل 

وجهوا أنظارهم لذلك البشوش و الذي قال بابتسامة هادئة : نسمي الله و نصلي و نسلم على سيد الخلق أجمعين 


رددوا جميعا : صلى الله عليه و سلم 

سحب نفسا عميقا ثم قال بلهجة صعيدية صحيحة ذهلوا منها : كلنا متفجين أن لا شرع و لا دين هيحلل التار ...ربنا جال سبحانه و تعالى 

بسم الله الرحمن الرحيم 

وَمَا كَانَ لِمُؤْمِنٍ أَن يَقْتُلَ مُؤْمِنًا إِلاَّ خَطَئًا وَمَن قَتَلَ مُؤْمِنًا خَطَئًا فَتَحْرِيرُ رَقَبَةٍ مُّؤْمِنَةٍ وَدِيَةٌ مُّسَلَّمَةٌ إِلَى أَهْلِهِ إِلاَّ أَن يَصَّدَّقُواْ فَإِن كَانَ مِن قَوْمٍ عَدُوٍّ لَّكُمْ وَهُوَ مْؤْمِنٌ فَتَحْرِيرُ رَقَبَةٍ مُّؤْمِنَةٍ وَإِن كَانَ مِن قَوْمٍ بَيْنَكُمْ وَبَيْنَهُمْ مِّيثَاقٌ فَدِيَةٌ مُّسَلَّمَةٌ إِلَى أَهْلِهِ وَتَحْرِيرُ رَقَبَةٍ مُّؤْمِنَةً فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِّنَ اللّهِ وَكَانَ اللّهُ عَلِيمًا حَكِيمًا* وَمَن يَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

صدق الله العظيم 


رتلها بصوت عذب جعل قلوبهم تخشع رغما عنهم و بعد أن صدق قال برزانة و قوة حتى لا يعتقد الجالس بتجهم أنه يخافه :............

$$$$$$$$$$


متنساش ان الروايه موجوده كامله في قناه التليجرام


والواتساب 




1- للانضمام لقناه الواتساب 






 ( 👈اضغط هنا👉 )






              ꧁꧁꧁꧁꧂꧂꧂꧂


2- للانضمام لقناه التويتر 






      (👈 اضغط هنا👉) 






               ꧁꧁١꧁꧁꧂꧂꧂




3- للانضمام لصفحه البيدج








    (👈 اضغط هنا👉) 






4-لانضمام لصفحه الكاتبه 


      (فريدهالحلواني) 


               


               👇


       


       « اضغط هنا » 




                 ꧁꧁꧁꧁꧂꧂꧂






5- للانضمام لقناه اليوتيوب 




       (👈 اضغط هنا 👉)






             ꧁꧁꧁꧁꧂꧂꧂






6- يمكنك للانضمام لقناه التليجرام 






  ( 👈اضغط هنا👉 ) 




          ꧁꧂ ꧁꧁꧁꧁꧂꧂






7- ويمكنك للانضمام لصفحه التيك توك 








         ( 👈اضغط هنا 👉) 




               ꧁꧂꧁꧁꧁꧂꧂꧂




8-للانضمام لصفحه الانستجرام




        (👈 اضغط هنا 👉) 






           ꧁꧁꧁꧁꧂꧂꧂꧂




و للانضمام علي جروب الفيس بوك 






(👈 انضمام 👉) 




👆👆👆👆




📚 لقراءه الفصل التاني من هنا ♡♡♡👇👇






                 ( الفصل الثاني عشر )






           ✍️ لقراءه الراهب كامله 👇         






               ( 👈اضغط هنا👉) 




تعليقات